बिहारमध्ये ईडीची मोठी कारवाई ; आरजेडी नेते आलोक कुमारांच्या घरावर छापा ; एकाच वेळी १९ ठिकाणी छापेमारी
RJD leader Alok Kumar Mehta। बिहार सरकारमधील माजी मंत्री आणि राजद नेते आलोक कुमार मेहता यांच्या अडचणी वाढल्या आहेत. बेहिशेबी मालमत्तेप्रकरणी ईडीने त्यांच्या घरावर छापा टाकला आहे. कर्ज घेतल्याच्या प्रकरणात ईडीने ही छापा टाकला आहे. १७ ठिकाणी ईडीचे छापेमारी सुरू आहे.
प्राप्त माहितीनुसार, हे प्रकरण वैशाली सहकारी बँकेच्या कर्जाशी संबंधित असल्याचे सांगण्यात येत आहे. कोट्यवधी रुपयांच्या व्यवहारासंदर्भात ईडीने ही कारवाई केली आहे. ईडीच्या कारवाईमुळे सध्या राज्यात गोंधळ उडाला आहे. समोर आलेल्या माहितीनुसार, ईडीचे पथक वेगवेगळ्या ठिकाणी संबंधित कागदपत्रांची तपासणी करण्यात व्यस्त आहे. या प्रकरणात बँक कर्जाशी संबंधित कोट्यवधी रुपयांच्या व्यवहारांची चौकशी सुरू आहे.
एकाच वेळी १९ ठिकाणी छापेमारी RJD leader Alok Kumar Mehta।
माजी मंत्री आलोक कुमार मेहता यांच्या १९ वेगवेगळ्या ठिकाणी ईडी छापे टाकत आहे. मिळालेल्या माहितीनुसार, ईडीचे पथक पाटणा आणि हाजीपूरमधील ९, कोलकातामधील ५, वाराणसीमधील ४ आणि दिल्लीतील १ ठिकाणी छापे टाकत आहे. ईडीने त्यांच्या पाटणा येथील अधिकृत आणि खाजगी निवासस्थानावरही छापा टाकला आहे. वैशाली अर्बन डेव्हलपमेंट कोऑपरेटिव्ह बँकेतील ८५ कोटी रुपयांच्या फसवणुकीप्रकरणी ईडीने ही कारवाई केली आहे. आरबीआयच्या अहवालानंतर, हाजीपूरमध्ये या प्रकरणात ३ एफआयआर दाखल करण्यात आले.
आलोक मेहता तेजस्वी यादव यांच्या जवळचे
आलोक मेहता हे तेजस्वी यादव यांचे खूप जवळचे मानले जातात. बिहारमधील आघाडी सरकारच्या काळात आलोक मेहता हे महसूल आणि जमीन सुधारणा विभागाचे मंत्री होते. आरजेडीमधील अनेक महत्त्वाच्या निर्णयांमध्ये आलोक मेहता यांचीही भूमिका आहे. आलोक मेहता हे समस्तीपूरच्या उजियारपूर मतदारसंघाचे आमदार आहेत.
