मुंबई – बॉलिवूड स्टार कपल रिचा चड्ढा आणि अली फजल त्यांच्या लग्नाच्या बातम्यांमुळे सतत चर्चेत असतात. दोघांच्या लग्नाची तयारी जोरात सुरू आहे. लग्नाशी संबंधित अनेक महत्त्वाची माहितीही सर्वांसमोर आली आहे. लग्नाच्या तारखेपासून ते स्थळापर्यंतचा खुलासा झाला आहे. आता चाहत्यांना ही जोडी कधी एक होणार याची प्रतीक्षा आहे.

रिचा चढ्ढा – अली फजल यांच्या लग्नाच्या कार्डचे फोटो सोशल मीडियावर प्रचंड व्हायरल होत आहेत. कार्डला थोडा रेट्रो फील दिला आहे. हे कार्ड मॅचबॉक्सच्या आकारात बनवण्यात आले असून त्यावर रिचा आणि अलीच्या चेहऱ्याचे रेखाटन करण्यात आले आहे. हे पूर्णपणे 90 च्या दशकाचा रेट्रो फील देत आहे, त्यावर लिहिले आहे, ‘कपल मॅचेस. फोटोमध्ये रिचा आणि अली पारंपरिक कपड्यांमध्ये सायकल चालवताना दिसत आहेत.’

हे कपल पुढील महिन्यात ऑक्टोबरमध्ये लग्नबंधनात अडकणार आहे. लग्नाआधी होणारे छोटे छोटे विधी सुरू झाले आहेत. 6 ऑक्टोबरला लग्न होणार आहे, तर रिसेप्शन 7 ऑक्टोबरला मुंबईत होणार आहे.

याशिवाय 30 सप्टेंबर ते 2 ऑक्टोबर या कालावधीत प्री-वेडिंग फंक्शन्स होणार आहेत. त्याच वेळी, बिकानेरचे 175 वर्षीय रोखपाल ज्वेलर्स कुटुंब ऋचाच्या दिल्लीतील फंक्शनसाठी तिचे दागिने तयार करत आहे.