मुंबई – आयपीएल 2023 च्या 43 व्या सामन्यात RCB संघाने 18 धावांनी विजय मिळवला. पण, या सामन्यानंतर विराट कोहली आणि गौतम गंभीर यांच्यात जोरदार वादावादी झाली. सामना संपल्यानंतर सर्व खेळाडू एकमेकांशी हस्तांदोलन करताना दिसले. यादरम्यान विराट कोहलीने लखनऊ सुपर जायंट्सचा खेळाडू काइल मेयर्सशी हस्तांदोलन करून त्याच्याशी बोलताच लखनऊचा मार्गदर्शक गौतम गंभीर मेयर्सला मागे खेचताना दिसला. अशा परिस्थितीत गौतम गंभीरच्या या वागण्यावर विराट कोहली चांगलाच संतापला आणि कर्णधार फाफ डुप्लेसीला काहीतरी बोलू लागला, यातूनच वादाला सुरुवात झाल्याचा अंदाज वर्तवला जात आहे.

यानंतर गौतम गंभीरचा संयम सुटला आणि तो रागाने विराट कोहलीला सामोरे गेला. कोहली देखील समोर आला हे पाहून सगळेच थक्क झाले. दोघांचा राग एवढा होता की या शाब्दिक युद्धाचे रुपांतर हाणामारीत कधी होईल याची खात्री नव्हती. अशा परिस्थितीत फाफ डुप्लेसी, केएल राहुल आणि अमित मिश्रा यांनी मध्यस्थी करून प्रकरण शांत केले.

गौतम आणि विराट कोहली यांच्यातील या जोरदार वादाचा व्हिडिओ व्हायरल होत आहे.2013 मध्ये मैदानावर दोघांमध्ये जोरदार भांडण झाले होते. अशा परिस्थितीत 10 वर्षांनंतर हे दोन खेळाडू समोरासमोर येताच पुन्हा भांडू लागल्याचे पाहायला मिळाले.

Virat Kohli and Gautam Gambhir heated argument shot by spectator pic.twitter.com/vcnvvnJ9yU

— All About Cricket (@allaboutcric_) May 1, 2023

RCB ने लखनौ सुपर जायंट्सचा पराभव केला
IPL 2023 चा 43 वा सामना लखनौ सुपर जायंट्स आणि रॉयल चॅलेंजर्स बंगलोर यांच्यात झाला. लखनौच्या एकना क्रिकेट स्टेडियमवर हा सामना खेळला गेला. सामन्याबद्दल बोलायचे झाले तर रॉयल चॅलेंजर्स बंगळुरूने नाणेफेक जिंकून प्रथम फलंदाजी करण्याचा निर्णय घेतला. आरसीबीने हा सामना 18 धावांनी जिंकला. पाहुण्या संघाने पहिल्या डावात 126 धावा केल्या. त्याचवेळी या सोप्या लक्ष्याचा पाठलाग करताना उतरलेल्या लखनौची सुरुवात खराब झाली आणि त्यांना १८ धावांनी सामना गमवावा लागला.