RBI Deputy Governor। शिरीष चंद्र मुर्मू यांची रिझर्व्ह बँक ऑफ इंडिया (RBI) चे डेप्युटी गव्हर्नर म्हणून नियुक्ती करण्यात आली आहे. त्यांची नियुक्ती ९ ऑक्टोबर २०२५ पासून प्रभावी असणार आहे. तसेच माध्यमातील अहवालानुसार,  त्यांची हि नियुक्ती तीन वर्षांच्या कालावधीसाठी असेल. सध्या, एस.सी. मुर्मू आरबीआयमध्ये कार्यकारी संचालक म्हणून काम करतात, ज्याठिकाणी त्यांनी बँकेच्या चलनविषयक आणि वित्तीय धोरणांमध्ये तसेच परकीय चलन व्यवस्थापन, बँकिंग नियमन आणि आर्थिक स्थिरता यासारख्या प्रमुख क्षेत्रांमध्ये महत्त्वपूर्ण योगदान दिले आहे.

एस.सी. मुर्मू नवीन डेप्युटी गव्हर्नर RBI Deputy Governor। 

त्यांच्या नियुक्तीमुळे आरबीआयच्या चलनविषयक धोरणात आणि बँकिंग नियामक निर्णयांमध्ये त्यांची भूमिका आणखी वाढेल. तज्ज्ञांच्या  मते, शिरीष चंद्र मुर्मू यांचे तांत्रिक कौशल्य आणि बँकिंग क्षेत्रातील अनुभव रिझर्व्ह बँक ऑफ इंडियाला चलनविषयक आणि आर्थिक स्थिरता राखण्यास मदत करेल. या नियुक्तीमुळे आरबीआयच्या डेप्युटी गव्हर्नर टीममध्ये नवीन ऊर्जा आणि धोरणात्मक दृष्टीकोन निर्माण होण्याची अपेक्षा आहे.

बँकिंग व्यवस्था मजबूत करण्याच्या अपेक्षा RBI Deputy Governor। 

आरबीआयचे डेप्युटी गव्हर्नर म्हणून, त्यांच्या जबाबदाऱ्यांमध्ये बँकेचे चलनविषयक धोरण, वित्तीय बाजारांचे नियमन, परकीय चलन व्यवस्थापन आणि बँकिंग क्षेत्राचे पर्यवेक्षण यांचा समावेश असेल. या नियुक्तीमुळे भारतीय बँकिंग आणि वित्तीय व्यवस्था मजबूत होण्याची अपेक्षा आहे. मुर्मू हे सध्या बँकिंग नियमन आणि इतर विभागांचे प्रभारी डेप्युटी गव्हर्नर एम. राजेश्वर राव यांची जागा घेतील. राव यांचा कार्यकाळ ८ ऑक्टोबर रोजी संपत आहे.