Ravindra Waikar’s daughter defeated। मुंबईतील लक्ष्यवेधी लढतीपैकी एक लढत म्हणून प्रभाग क्रमांक ७३ कडे पहिले जाते. याठिकाणचा निकाल आता समोर आला आहे. खासदार रवींद्र वायकर यांची मुलगी दीप्ती वायकर- पोतनीस पराभूत झाली आहे. प्रभाग क्रमांक ७३ मधून त्या शिवसेनेकडून (शिंदे) निवडणूक लढवत होत्या. शिवसेनेच्या (ठाकरे) लोना राजेंद्रसिंह रावत यांनी पराभव केला. या लढतीकडे अत्यंत प्रतिष्टेची लढत म्हणून पाहिले जात होते. ठाकरे गटाच्या नवख्या लोना रावत यांनी १३ हजार ४२४ मते आहे. खासदार रवींद्र मिळवत घवघवीत यश मिळवले आहे. वायकर यांच्यासाठी हा मोठा धक्का मानला जात आहे. दरम्यान विधानसभा निवडणूक २०२४ मध्ये वायकर यांच्या पत्नी मनीषा वायकर या पराभूत झाल्या होत्या. Ravindra Waikar’s daughter defeated। जोगेश्वरी पूर्व येथील प्रभाग ७३ मध्ये शिवसेनेने (शिंदे) वायकर यांच्या मुलीला उमेदवारी दिली. तर शिवसेनेच्या ( ठाकरे) लोना रावत यांनी वायकरांच्या मुलीला आव्हान दिले होते. जोगेश्वरी पूर्वमध्ये ठाकरे गटाचे वर्चस्व आहे. मात्र दीप्ती वायकर-पोतनीस यांचे पारडे जड मानले जात होते. मात्र प्रभाग ७३ मधील मतदारांनी घराणेशाहीला नाकारले आणि ठाकरे गटाच्या लोना रावत यांना विजयी केले. खासदार रवींद्र वायकर देखील लोकसभा निवडणुकीत अवघ्या काही मताने विजयी झाले होते. त्यांचा विजय वादात अडकला होता. त्यानंतर विधानसभेत जोगेश्वरी पूर्व येथून वायकर यांच्या पत्नी मनीषा वायकर यांना शिवसेनेने (शिंदे) यांनी उमेदवारी दिली होती. पण त्यांचा पराभव झाला. या पराभवानंतर पालिका निवडणुकीत त्यांच्या मुलीला उमेदवारी देण्यात आली. मात्र पालिकेत ही वायकर यांना पराभव पत्करावा लागला आहे. सलग दुसरा पराभव रवींद्र वायकर यांच्यासाठी मोठा धक्का मानला जात आहे. Ravindra Waikar’s daughter defeated।
