Ravindra Negi on Manish Sisodia । दिल्लीतील विधानसभा निवडणुकीचे निकाल जाहीर झाले. भाजप २७ वर्षांनंतर सत्तेत परतला आहे. पण निवडणुकीनंतरही आप आणि भाजपमधील आरोप-प्रत्यारोप थांबण्याचे नाव घेत नाहीत. दरम्यान, पटपरगंज येथील भाजप आमदार रवींद्र नेगी यांनी  माजी आमदार आणि उपमुख्यमंत्री मनीष सिसोदिया यांच्यावर मोठा आरोप केला. रवींद्र नेगी यांनी,”मनीष सिसोदिया यांनी आमदार कार्यालयातून एसी, टीव्ही, टेबल, खुर्ची आणि पंखा चोरून नेल्याचा गंभीर आरोप केला आहे. यासंदर्भात या आपण सिसोदिया यांना कायदेशीर नोटीस पाठवणार असल्याचेही त्यांनी यावेळी सांगितले.

रवींद्र नेगीवर चोरीचा आरोप Ravindra Negi on Manish Sisodia । 

रवींद्र नेगी यांनी सोशल मीडियावर एक व्हिडिओ पोस्ट शेअर केला आहे. यामध्ये, ‘आपचे माजी पटपडगंज आमदार मनीष सिसोदिया यांनी निवडणुकीपूर्वीच त्यांचा खरा चेहरा दाखवला होता. आमदारांच्या कार्यालयातून एसी, टीव्ही, टेबल, खुर्च्या आणि पंखा चोरीला गेला. त्याच्या भ्रष्टाचाराने आता सर्व मर्यादा ओलांडल्या आहेत.” असे म्हटले.

सिसोदिया आणि त्यांच्या टीमवर आरोप करत नेगी म्हणाले, ‘त्यांनी ऑफिसमधून वस्तू गायब केल्या. ऑफिस पूर्णपणे रिकामे आहे. हे लोक चोर आहेत, त्यांना पुढचा आमदार कुठे बसेल याची लाजही नाही.

काय काय चोरीला गेले याची दिली माहिती Ravindra Negi on Manish Sisodia । 

नेगी यांनी, “कार्यालयातून २५०-३०० खुर्च्या, २-३ लाख रुपयांचा टीव्ही आणि १२ लाख रुपयांची साउंड सिस्टम हरवलेल्या वस्तूंमध्ये समाविष्ट आहे.”  ते म्हणाले की, “सिसोदिया आणि त्यांच्या टीमने केवळ सरकारी मालमत्ताच घेतली नाही तर तिचे नुकसान केले आणि दरवाजेही तोडले.’ असल्याचा आरोप यावेळी त्यांनी केला.

यंदा आपने पटपरगंजमधून अवध ओझा यांना तिकीट दिले होते. आमदार मनीष सिसोदिया यांनी जंगपुरा येथून या जागेवरून निवडणूक लढवली. नेगी यांनी अवध ओझा यांचा २८,०७२ मतांनी पराभव केला होता.

हेही वाचा
रणबीर अलाहबादियाला सर्वोच्च न्यायालयाने झापले ; म्हणाले,”तुमचं डोकं ठिकाणावर आहे का?” , पासपोर्ट जमा करण्याचे आदेश