Ravindra Jadeja Record : भारत आणि श्रीलंका यांच्यातील गॉल कसोटी सामन्यात टीम इंडियाचा स्टार अष्टपैलू खेळाडू रवींद्र जडेजा (Ravindra Jadeja Record) याने एक असा पराक्रम गाजवला आहे, ज्याने कसोटी क्रिकेटच्या इतिहासात खळबळ उडवून दिली. या सामन्यात जडेजाने २ विकेट्स घेतल्या, पण त्याची ती दुसरी विकेट एका महाविक्रमाची नांदी ठरली.

दिवसाच्या तिसऱ्या सत्रात खेळ सुरू असताना जडेजाने (Ravindra Jadeja Record) श्रीलंकेकडून पदार्पण करणाऱ्या केशरा नुवानथाला आपल्या फिरकीच्या जाळ्यात अडकवून बाद केले आणि मैदान एका ऐतिहासिक क्षणाचे साक्षीदार बनले.

या महत्त्वपूर्ण विकेटसह जडेजाने कसोटी क्रिकेटमध्ये ३५० बळींचा जादुई टप्पा पूर्ण केला. भारतीय क्रिकेटच्या इतिहासात आजवर कोणत्याही डावखुऱ्या फिरकीपटूला साधता न आलेला हा अभूतपूर्व टप्पा गाठणारा जडेजा पहिलाच भारतीय गोलंदाज ठरला आहे.

विशेष म्हणजे, भारताच्या कसोटी इतिहासात इतर कोणत्याही डावखुऱ्या फिरकी गोलंदाजाला (Ravindra Jadeja Record) ३०० विकेट्सचा आकडाही पार करता आलेला नाही. अशा स्थितीत जडेजाने थेट ३५० विकेट्सचा डोंगर सर करून एक नवा आणि अद्वितीय विक्रम आपल्या नावावर नोंदवला आहे.

कसोटीत सर्वाधिक विकेट्स घेणारे डावखुरे फिरकीपटू
रंगना हेरथ (श्रीलंका) – ४३३ विकेट्स
डॅनियल व्हेटोरी (न्यूझीलंड) – ३६२ विकेट्स
रवींद्र जडेजा (भारत) – ३५० विकेट्स
डेरेक अंडरवुड (इंग्लंड) – २९७ विकेट्स
तैजुल इस्लाम (बांगलादेश) – २७१ विकेट्स