Rashmika Mandanna And Vijay Deverakonda | अभिनेत्री रश्मिका मंदाना आणि अभिनेता विजय देवरकोंडा यांच्या लग्नाच्या चर्चा मागील काही दिवसांपासून सुरू आहे. अखेर हे जोडपं आता 2026 च्या नव्या वर्षात आपली लग्नगाठ बांधणार असल्याचं बोलंल जात आहे. रश्मिका आणि विजयच्या लग्नाची तारीख आणि ठिकाण ठरले असल्याची माहिती समोर आली आहे. एका वृत्तानुसार, रश्मिका आणि विजय 26 फेब्रुवारी 2026 रोजी राजस्थानमधील उदयपूरच्या एका राजवाड्यात लग्न करणार आहेत. त्यांनी एक ऐतिहासिक महाल निश्चित केला आहे. साखरपुड्याप्रमाणेच, दोघेही लग्नही एका खाजगी सोहळ्यात करणार आहेत. फक्त त्यांचे नातेवाईक आणि जवळचे मित्र या सोहळ्याला उपस्थित राहणार आहेत. हैदराबादमध्ये गुपचुप उरकला साखरपुडा रश्मिका आणि विजय यांनी दसऱ्याच्या एक दिवसानंतर 3 ऑक्टोबर 2025 रोजी हैदराबादमध्ये साखरपुडा केला होता. जरी या कपलने स्वतः सोशल मीडियावर कोणतीही घोषणा केली नसली तरी, विजयच्या टीमने नंतर साखरपुड्याची पुष्टी केली आणि फेब्रुवारीमध्ये लग्न करण्याचे संकेत दिले. यातच आता हे जोडपं फेब्रुवारीमध्ये लग्न करणार असल्याची माहिती मिळत आहे. रश्मिका आणि विजयच्या प्रेमकथेची सुरुवात ‘गीता गोविंदम’ या चित्रपटाने झाली. रश्मिका आणि विजयची केमिस्ट्री पहिल्यांदा २०१८ च्या सुपरहिट चित्रपट ‘गीता गोविंदम’ मध्ये दिसली. २०१९ च्या ‘डियर कॉम्रेड’ या चित्रपटाने त्यांची ऑन-स्क्रीन जोडी प्रेक्षकांना आणखी आवडली. त्यांच्या चित्रपटांव्यतिरिक्त ते अनेक कार्यक्रमांमध्ये एकत्र दिसले आहेत. अनेकदा ते एकत्र व्हेकेशन एन्जॉय करतात, मात्र एकत्र कधीही पोस्ट शेअर करत नाहीत. Rashmika Mandanna And Vijay Deverakonda | हेही वाचा: लाडक्या बहिणींनो… फक्त एक दिवस बाकी; आजच करा ई-केवायसी, पटापट जाणून घ्या संपूर्ण प्रोसेस
