Ranka Jewellers: गेल्या १४७ वर्षांची प्रदीर्घ परंपरा, सोन्याची शुद्धता आणि ग्राहकांशी असलेले विश्वासाचे नाते जपत पुणेकरांच्या मनात अढळ स्थान निर्माण केलेल्या ‘रांका ज्वेलर्स’च्या १६ व्या सुवर्ण दालनाचा शुभारंभ भोसरी-आळंदी रोड येथे मोठ्या उत्साहात संपन्न झाला. राज्याचे उच्च व तंत्रशिक्षण मंत्री चंद्रकांतदादा पाटील आणि पिंपरी-चिंचवडचे महापौर रवी लांडगे यांच्या प्रमुख उपस्थितीत बुधवारी या नूतन शोरूमचे भव्य उद्घाटन करण्यात आले. याप्रसंगी रांका परिवारातील ज्येष्ठ सदस्य फतेचंद रांका, ओमप्रकाश रांका, डॉ. रमेश रांका, अनिल रांका यांच्यासह तेजपाल, वस्तुपाल, शैलेश, श्रेयस, मानव, श्लोक, ऋषभ आणि विवान रांका व इतर मान्यवर उपस्थित होते. या सोहळ्याप्रसंगी बोलताना नामदार चंद्रकांतदादा पाटील यांनी रांका परिवाराच्या कार्याचे विशेष कौतुक केले. रांका ज्वेलर्सने केवळ व्यवसायच केला नाही, तर १४७ वर्षांच्या प्रवासात आपली सचोटी आणि सामाजिक बांधिलकी देखील जपली आहे, असे गौरवोद्गार त्यांनी काढले. भोसरीतील हे प्रशस्त शोरूम रांकांच्या परंपरेला साजेसे असून, त्याला ग्राहकांचा उदंड प्रतिसाद लाभेल, असा विश्वासही त्यांनी व्यक्त केला. महापौर रवी लांडगे यांनी या नवीन शोरूममुळे स्थानिक तरुणांना रोजगाराच्या संधी उपलब्ध झाल्याबद्दल समाधान व्यक्त केले. तसेच जपान ज्वेलरी असोसिएशन (JJS) आणि नॅशनल जेम्स अँड गोल्ड प्रमोशन कॉऊन्सिल यांसारख्या जागतिक संस्थांकडून रांका ज्वेलर्सचा सन्मान झाल्याबद्दल त्यांनी संपूर्ण परिवाराचे अभिनंदन करून पुढील वाटचालीस शुभेच्छा दिल्या. ३५०० चौरस फुटांचे दुमजली दालन – भोसरी-आळंदी रोडवरील हे ३५०० चौरस फुटांचे दुमजली दालन या परिसरातील सर्वात भव्य शोरूम ठरले आहे. या शोरूमच्या उभारणीत डॉ. रमेश रांका आणि वीस वर्षांचा प्रदीर्घ अनुभव असलेल्या जेमोलॉजिस्ट सौ. मोनिका रांका यांचा मोलाचा वाटा आहे. रांका परिवाराच्या सातव्या पिढीचे प्रतिनिधी ऋषभ रांका यांनीही आपल्या नाविन्यपूर्ण संकल्पनांच्या जोरावर भोसरी, आळंदी, दिघी, चऱ्होली आणि कळस परिसरातील ग्राहकांना सोने खरेदीचा एक अविस्मरणीय अनुभव देण्यासाठी विशेष तयारी केली आहे. या दालनाचे प्रमुख वैशिष्ट्य म्हणजे येथील ‘विवारंभ लाऊंज’, जिथे लग्नसराईसाठी लागणाऱ्या दागिन्यांचे असंख्य प्रकार उपलब्ध आहेत. ग्राहकांच्या आवडीनुसार कस्टमाईज्ड ज्वेलरी बनवून देण्याची सुविधा आणि आपुलकीने संवाद साधणारे ‘रिलेशनशिप मॅनेजर’ यामुळे ग्राहकांना खरेदीचा आनंद घेता येईल. विशेष सवलतींची घोषणा – नव्या दालनाच्या शुभारंभानिमित्त ग्राहकांसाठी विशेष सवलतींची घोषणा करण्यात आली आहे. ११ ते २८ फेब्रुवारी २०२६ या कालावधीत सोन्याच्या दागिन्यांच्या घडणावळीवर ५० टक्के सूट देण्यात येत असून, जुन्या दागिन्यांच्या बदल्यात १०० टक्के एक्सचेंज व्हॅल्यू देऊन नवीन दागिने खरेदी करण्याची संधी फक्त याच दालनात उपलब्ध आहे. एकाच छताखाली पारंपरिक दागिन्यांसोबतच आधुनिक युगातील तरुण-तरुणींच्या पसायचे लाईटवेट, तुर्कीश, टेम्पल आणि डायमंड ज्वेलरीचे भव्य संकलन येथे आहे. पूजेचे साहित्य, चांदीच्या मूर्ती आणि सर्वसामान्यांना परवडणारे १ ग्रॅम सोन्याचे दागिने हे या शोरूमचे आकर्षण ठरत आहे. रांका ज्वेलर्सने १९८० पासूनच हॉलमार्किंगची परंपरा जपली असून, येथील सर्व दागिने बीआयएस हॉलमार्कयुक्त आणि हिरे जागतिक प्रयोगशाळांकडून प्रमाणित आहेत. रविवार पेठेतून सुरू झालेला हा प्रवास आज पुणे व परिसरातील १६ दालनांपर्यंत यशस्वीपणे पोहोचला आहे.
