Ranbir Kapoor: बॉलिवूड अभिनेता रणबीर कपूर यांनी रविवारी आपला ४३ वा वाढदिवस साजरा केला. या दिवशी पत्नी आलिया भट्ट हिने सोशल मीडियावर त्याला शुभेच्छा दिल्या आणि त्याच्यासोबतच मुलगी राहा हिने बनवलेले खास हाताने लिहिलेले बर्थडे कार्ड पोस्ट केले. रणबीरने सांगितले की राहाने त्याला वाढदिवसाच्या दिवशी ४३ किस दिले आणि एक सुंदर कार्ड दिले, ज्यावर लिहिले होते, “हॅपी बर्थडे, बेस्ट पापा इन द वर्ल्ड.” रणबीर म्हणाला, “मी पूर्ण दिवस आलिया आणि राहासोबत घालवला. हे माझ्यासाठी परफेक्ट बर्थडे ठरले.” आलियाने इंस्टाग्रामवर टाकलेल्या पोस्टमध्ये तीन फोटो शेअर केले. पहिल्या फोटोमध्ये रणबीर-आलिया समुद्रकिनारी सूर्यास्त पाहताना दिसत आहेत, दुसऱ्या फोटोमध्ये रणबीर आणि राहा एकत्र केक कापताना दिसत आहेत, तर तिसऱ्या फोटोमध्ये राहाने बनवलेले कार्ड आहे. या पोस्टला काही तासांत १५ लाखांहून अधिक लाईक्स मिळाले. अनेक सेलेब्स जसे की सबा पटौदी, आयुष्मान खुराना, बिपाशा बसू, रकुल प्रीत सिंह यांनी कमेंट करून रणबीरला शुभेच्छा दिल्या. रणबीरच्या कामाबद्दल सांगायचे झाले तर, रणबीरची शेवटची फिल्म ‘ऍनिमल’ बॉक्स ऑफिसवर यशस्वी ठरली. पुढे तो ‘लव्ह अँड वॉर’, ‘रामायण पार्ट वन’, ‘एनिमल पार्क’ आणि ‘रामायण पार्ट टू’ मध्ये दिसणार आहे.
