कार्ला, (वार्ताहर) – मावळ नागरी सहकारी पतसंस्थेच्या अध्यक्षपदी रजनीगंधा संतोष खांडगे यांची तर उपाध्यक्षपदी पांडुरंग रामभाऊ पोटे यांचा एकमेव अर्ज आल्याने त्यांची बिनविरोध निवड करण्यात आली. वडगाव येथील सहकार निबंधक कार्यालयामध्ये झालेल्या या निवडणुकीत मावळ सहकार पॅनलचे सर्व १३ मेदवार बिनविरोध निवडून आले.

राकेश निखारे यांनी निवडणूक निर्णय अधिकारी म्हणून काम पाहिले. संचालक मंडळाचा कार्यकाळ पाच वर्षाचा असणार आहे. आगामी काळात पतसंस्थेच्या माध्यमातून सर्व सभासदांचे आर्थिक उन्नतीसाठी प्रयत्न करणार असल्याचे या वेळी नवनिर्वाचित अध्यक्ष रजनीगंधा खांडगे यांनी सांगितले.

मावळ नागरी सहकारी पतसंस्थेचे मुख्य प्रवर्तक संतोष खांडगे, सल्लागार गणेश काकडे, ॲड. मच्छिंद्र घोजगे, सुदाम दाभाडे, सुनील भोंगाडे, केतन भालेराव, विलास टकले, मिलिंद शेलार आदींनी पतसंस्थेच्या नवीन कार्यकारणीचे अभिनंदन केले.

संचालक मंडळ पुढील प्रमाणे : अध्यक्ष : रजनीगंधा संतोष खांडगे, उपाध्यक्ष : पांडुरंग रामभाऊ पोटे, कार्याध्यक्ष : गिरीश रावळ, सचिव : शरदचंद्र कोतकर, खजिनदार : भालचंद्र लेले, सहसचिव : सचिन कोळवणकर,