Rajkummar Rao Viral Photo| अभिनेता राजकुमार रावचा एका कार्यक्रमादरम्यानचा एक फोटो सध्या सोशल मीडियावर तुफान व्हायरल होत आहे. त्याचा हा फोटो पाहून अनेकजण चकित झाले होते. त्याने प्लास्टिक सर्जरी केले असल्याचे काही जण म्हंटले. इतकेच काय तर अनेकांनी त्याच्या या फोटोवर मीम्स बनवले होते. त्यानंतर आता एका मुलाखतीत त्याने याबाबत खुलासा केला आहे. सोशल मीडियावर व्हायरल झालेल्या फोटोबद्दल राजकुमार म्हणाला, “तुम्ही तो फोटो पाहिला असेल तर तो माझ्यासारखा दिसत नाही. हे खरं तर खूप मजेदार आहे कारण मला वाटते की कोणीतरी माझ्यासोबत प्रँक केला आहे. मला खात्री आहे की, तो फोटो एडिट केला गेला आहे. लोक प्लास्टिक सर्जरीबद्दल बोलत आहेत, पण मी सर्जरी केली नाही.” Rajkummar Rao Viral Photo| पुढे तो म्हणाला, “जेव्हा मी अभिनय क्षेत्रात काम करण्यास सुरुवात केली तेव्हा लोक माझ्या लूकवर कमेंट करायचे. मी 8-9 वर्षांपूर्वी, फिलर्स केले होते. मी हे चांगले वाटण्यासाठी आणि चांगले दिसण्यासाठी केलं, जेणेकरून माझा चेहरा चांगला दिसावा. हे माझ्या त्वचेच्या डॉक्टरांनी सुचवले होते. हे मी आत्मविश्वास वाढवण्यासाठी केले होते.” Rajkummar Rao Viral Photo| दरम्यान, राजकुमारचा हा फोटो दिलजीत दोसांझच्या कॉन्सर्टमधील होता. यामध्ये त्याची हनुवटी खूपच वेगळी दिसत आहे. हे पाहिल्यानंतर सोशल मीडियावर राजकुमारने प्लास्टिक सर्जरी केल्याची चर्चा सुरू झाली होती. अखेर त्याने या फोटोमागचे सत्य उघड केले. राजकुमार रावच्या कामबद्दल बोलायचे झाले तर, लवकरच तो ‘श्रीकांत’ चित्रपटात दिसणार आहे. मे महिन्यात त्याचा चित्रपट रिलीज होणार आहे.
