Raj Thackeray | दादरच्या छत्रपती शिवाजी पार्कजवळ असलेल्या स्वर्गीय मीनाताई ठाकरे यांच्या पुतळयावर लाल रंग टाकण्याचा प्रयत्न झाला. या घटनेनंतर शिवसैनिक आक्रमक झाले आहेत. हा लाल रंग नेमका कोणी टाकला याचा पोलिसांकडून तपास सुरू आहे. सध्या या ठिकाणी पोलिसांचा कडक बंदोबस्त करण्यात आला आहे. या घटनेनंतर मनसेप्रमुख राज ठाकरे मीनाताई ठाकरेंच्या पुतळ्याजवळ दाखल झाले आहेत.

राज ठाकरे यांनी मीनाताई ठाकरेंचा पुतळा असलेल्या परिसरात घडलेल्या घटनेची संपूर्ण माहिती घेतली. या परिसरात नेमके काय काय घडले आणि आतापर्यंत पोलिसांकडून काय कारवाई करण्यात आली, याचीही माहिती राज ठाकरेंनी घेतली.

 उद्धव ठाकरे देखील घटनास्थळी येणार 

यानंतर आता ठाकरे गटाचे प्रमुख उद्धव ठाकरे हे देखील शाखाप्रमुखांच्या बैठकीआधी मीनाताई ठाकरे यांच्या पुतळ्याच्या ठिकाणी येणार आहेत. उद्धव ठाकरे यांनी आधीच नेत्यांकडून मीनाताई ठाकरेंच्या पुतळ्याच्या ठिकाणी काय झालं, याची माहिती घेतली आहे.

बुधवारी सकाळच्या सुमारास अज्ञाताने मीनाताई ठाकरेंच्या पुतळ्याच्या जवळ लाल रंग टाकण्याचा प्रयत्न केला आहे. यानंतर घटनास्थळी शिवसैनिक जमले आणि पुतळ्याची साफसफाई करण्यात आली. पोलिसांच्या माहितीनुसार, ही घटना सहा ते साडेसहाच्या दरम्यान घडली आहे. पोलिस सीसीटीव्ही कॅमेऱ्यांच्या मदतीने आरोपीचा शोध घेत आहेत.

हेही वाचा: 

Siddharth Jadhav on Gautami Patil: सिद्धार्थ जाधवने सांगितला गौतमी पाटीलबरोबर काम करण्याचा अनुभव; म्हणाला, “तिचा एक छान ऑरा आहे”