Raj Thackeray : काटकसर ही केवळ सामान्य लोकांनीच पाळायची असते का?, असा सवाल मनसे पक्षप्रमुख राज ठाकरे यांनी मंगळवारी उपस्थित केला. तसेच, निवडणूक प्रचारादरम्यान इंधनाचा जो प्रचंड वापर झाला, ज्यामध्ये हजारो गाड्यांचा वापर करण्यात आला आणि रोड-शो आयोजित करण्यात आले, त्याकडेही त्यांनी लक्ष वेधले. (Raj Thackeray) पंतप्रधान नरेंद्र मोदी यांनी काटकसरीचे आवाहन केल्यानंतर समाज माध्यमावरील एका पोस्टमध्ये ठाकरे यांनी म्हटले की, पंतप्रधान आणि वरिष्ठ नेते आजही प्रचंड मोठ्या ताफ्यासह देशभरात प्रवास करत असतात. (Raj Thackeray) ते रोड-शो देखील आयोजित करतात, हेलिकॉप्टर्सचा वापर करतात, त्यांच्यावर फुलांचा वर्षाव केला जातो आणि ते अतिभव्य अशा राजकीय प्रचार मोहिमा राबवतात. (Raj Thackeray) पंतप्रधान हे मान्य करतील का की, अशा प्रकारचा राजकीय अतिरेक ही आमची चूक होती आणि माझ्यासह आम्ही सर्वजण ती पुन्हा करणार नाही? तुमच्या चुकांची किंमत सामान्य माणसाने का मोजावी? काटकसर ही केवळ नागरिकांसाठीच असते आणि राजकीय वर्गासाठी कधीच नसते का? असा प्रश्न ठाकरे यांनी विचारला. (Raj Thackeray) ठाकरे पुढे म्हणाले, कच्च्या तेलाचे दर सध्या ९० ते १०० डॉलर्स प्रति बॅरलच्या आसपास फिरत आहेत, परंतु जगाने अशा प्रकारची परिस्थिती पाहण्याची ही काही पहिलीच वेळ नाही. (Raj Thackeray) पंतप्रधानांनी लोकांना इंधनाचा वापर कमी करण्यास सांगितले, पण हजारो वाहनांचा समावेश असलेल्या, कधीही न संपणाऱ्या रोड-शोंनी भरलेल्या आणि पश्चिम बंगाल, आसाम, तामिळनाडू व केरळसारख्या राज्यांमध्ये लाखो समर्थकांची ने-आण करणाऱ्या त्या प्रचंड मोठ्या निवडणूक प्रचार मोहिमांच्या वेळी ही सुबुद्धी त्यांना का सुचली नाही? केवळ त्या मोहिमांमध्येच कोट्यवधी लिटर पेट्रोल आणि डिझेल जळून खाक झाले असेल, अशी ठाकरे यांनी टीका केली. सरकार कोणती ठोस पावले उचलणार आहे, हे देशाला सांगा. गरज भासल्यास संसदेचे विशेष अधिवेशन बोलवा. तसेही, आजकाल अशी अधिवेशने लहरीनुसारच बोलावली जातात. (Raj Thackeray) देशावर अशी परिस्थिती ओढवली कशी आणि यातून मार्ग काढण्यासाठी सरकारची काय योजना आहे, हे पारदर्शकपणे स्पष्ट करा. अर्थव्यवस्था वरकरणी मजबूत दिसत असली, तरी आतून ती नाजूक आणि असुरक्षित आहे. या परिस्थितीसाठी सरकारने पश्चिम आशियातील घडामोडींना दोष देऊ नये, असेही ठाकरे म्हणाले. (Raj Thackeray)
