नवी दिल्ली – काँग्रेस नेते राहुल गांधी पुढील आठवड्यापासून पुन्हा भारत जोडो यात्रा सुरू करणार आहेत. यावेळी ते माध्यमांशी बोलतांना म्हणाले भारतीय जनता पक्ष (भाजप) आणि आरएसएस हे माझ्यासाठी गुरुसारखे आहेत आणि मी त्यांना माझे गुरू मानतो’ भारत जोडो यात्रेच्या पहिल्या टप्प्याबाबत राहुल म्हणाले की, ‘भारत जोडो यात्रा यशस्वी झाली. द्वेष आणि हिंसाचाराच्या विरोधात हा मोर्चा काढण्यात आला. कडाक्याच्या थंडीत हाफ टी-शर्टमध्ये राहण्याबाबत राहुल म्हणाला, “मला थंडीची भीती वाटत नाही, मला थंडीही वाटत नाही.’ भारत जोडो यात्रेच्या यशाबद्दल बोलताना काँग्रेस नेते राहुल गांधी यांनी या यात्रेच्या माध्यमातून भारताला एक नवा विचार देण्याचा प्रयत्न केला आहे. भारताला जगण्याची नवी पद्धत देण्याचा प्रयत्न आहे. ते पुढे म्हणाले की, भाजपकडे पैशांची कमतरता नाही. भाजपवाले माझ्या विरोधात प्रचार करत आहेत. मी भाजपा आणि आरएसएसला गुरु मानत असून ते जेवढ्या आक्रमकपणे माझ्यावर टीका करतील, तेवढा काँग्रेस पक्षाला फायदा होईल, अशी प्रतिक्रिया काँग्रेस नेते राहुल गांधी यांनी दिली आहे.
