कोरोना काळात मदतीसाठी पुनीत बालन यांचा पुढाकार

पुणे – करोना विरोधातील लढाईत अनेक योद्धे रणांगणात उतरले आहेत. देशापासून ते स्थानिक स्वराज्य संस्था स्तरापर्यंत ही लढाई लढली जात आहे. या लढाईत सामाजिक संस्थांबरोबरच काही समाजाविषयी आस्था असणारे युवकही लढवय्ये म्हणून काम करत आहेत. त्यातीलच एक म्हणजे “पुनीत बालन ग्रुप’चे अध्यक्ष पुनीत बालन हे आहेत.

सध्या ते करोना विरोधातील लढाईत आपला सहभाग नोंदवत आहेत. सामाजिक कार्याची आवड ही त्यांना आईपासून मिळाली. त्या शिक्षिका होत्या. सध्या देशावर आलेले संकट गहिरे आहे. त्यामध्येही आपण आपले कर्तव्य बजावावे या हेतूने “पुनीत बालन ग्रुप’च्या माध्यमातून मदतीची साखळी उभारली. या ग्रुपच्या सहकार्याने सुमारे 35 हजारांपेक्षा जास्त गरजूंपर्यंत शिधा वाटप केले आहे. अगदी दुर्गम ठिकाणी जाऊनही गरजूंना, वृद्धांना शीधा वाटप केल्याचे बालन यांनी “दै. प्रभात’ शी बोलताना सांगितले.