पुणे – एका जिगरबाज महिला कर्मचाऱ्याने ड्युटीवरुन घरी जात असताना दोन गटांत सशस्त्र भांडणे होत असताना धाडस दाखवून खूनाची घटना टाळली. ही एकटी महिला कर्मचारी गुन्हेगारांशी चार हात करत असताना नागरिकांनी मात्र बघ्याची भुमिका घेतली होती. यातील काही नागरिक तर मोबाईलवर शुटींग करण्यात धन्यता मानत होते. चंदननगर पोलीस कर्मचारी सीमा वळवी यांनी धाडस दाखवून कोत्याने वार करणाऱ्यांचा प्रतिकार केला. एवढंच नाहीतर पोलीस येईपर्यंत एका गुंडाला पकडून ठेवले.
चंदननगर पोलीस ठाण्यात कार्यरत असणाऱ्या पोलीस हवालदार सीमा वळवी या दिवसपाळीचा बंदोबस्त संपवून घरी जात होत्या. त्यावेळी वडगाव शेरी येथील दिगंबरनगर येथे गर्दी दिसल्याने त्या थांबल्या. त्यांनी पाहिले की, काही तरुण कोयत्याने मारहाण करत आहेत. त्यांनी मारहाण करणाऱ्या आरोपींना दरडावले. त्यावेळी काहींनी तेथून पळ काढला.
मात्र, एकाने कोयता काढून दुसऱ्या तरुणावर वार केले. सीमा वळवी यांनी प्रतिकार करुन जखमी तरुणाची सुटका केली. त्यावेळी परिसरातील नागरिकांनी गर्दी केली होती. मात्र त्यांच्या मदतीला कोणीच आले नाही. एकट्या सीमा वळवी यांनी आरोपींना प्रतिकार केला.एका आरोपीला पकडून त्यांनी पोलीस नियंत्रण कक्षाला फोन करुन घटनेची माहिती दिली.
चंदननगर पोलीस ठाण्यातील पोलीस येईपर्यंत सीमा वळवी यांनी एकाला पकडून ठेवले. तसेच इतर आरोपींना पकडता यावे यासाठी आपल्या मोबाईलमध्ये चित्रीकरण केले. त्यांनी दाखवलेल्या धाडसामुळे हत्येची घटना टळली. सीमा वळवे यांनी दाखवलेल्या धाडसामुळे आरोपी पकडले गेले. सीमा वळवे यांच्या साहसाचे सर्वत्र कौतुक होत आहे.
या घटनेनंतर चंदननगर पोलिसांनी अवघ्या 20 मिनिटांमध्ये पाच आरोपींना ताब्यात घेतले. अनुज जितेंद्र यादव (19 रा. वडगाव शेरी), हरिकेश टुणटुण चव्हाण (18), आकाश भारत पवार (23), अमोल वसंत चौरघडे, संदेश सुधिर कांबळे अशी अटक केलेल्या आरोपींची नावे आहेत. तर सौरभ संतोष पाडाळे (22 रा. वडगाव शेरी), ऋषिकेश ढोरे, अभि आगरकर, योगेश कदम हे जखमी झाले आहेत.
महिला पोलीस अंमलदार सीमा वळवी यांनी केलेल्या उत्कृष्ठ कामगिरीबाबत पोलीस आयुक्त रितेश कुमार, अपर पोलीस आयुक्त गुन्हे रामनाथ पोकळे , अपर पोलीस आयुक्त पुर्व प्रादेशिक विभाग रंजनकुमार शर्मा , पोलीस उपायुक्त गुन्हे अमोल झेंडे , पोलीस उपायुक्त परिमंडळ 3 शशिकांत बोराटे , संभाजी कदम , वरिष्ठ पोलीस निरीक्षक राजेंद्र लांडगे , पोलीस निरीक्षक (गुन्हे) मनिषा पाटील व इतर टीमने अभिनंदन करुन सीमा वळवी यांचा सत्कार