Pune Crime News : सिंहगड रोड परिसरातील निम्बजनगरमधील रिद्धी-सिद्धी अपार्टमेंटमध्ये खेळत असताना लिफ्टच्या दोन्ही दरवाज्या मध्ये अडकून एका ७ वर्षीय मुलाचा दुर्दैवी मृत्यू झाल्याची घटना घडली आहे. शिवांश शैलेश धूत (वय ७) असे मृत्यू झालेल्या चिमुकल्याचे नाव आहे. ही घटना सोमवारी रात्री साडेदहाच्या सुमारास घडली. (Pune News) मिळालेल्या माहितीनुसार, शिवांश खेळत असताना लिफ्टमध्ये गेला होता. त्याने लिफ्टमधील बटणे दाबल्यानंतर लिफ्ट सुरू झाली. मात्र, दुसरा मजला येण्यापूर्वीच लिफ्ट अचानक अडकली. दोन्ही दरवाजाच्या आत अडकून तो पडला होत. बराच वेळ उलटल्यानंतर सोसायटीतील रहिवाशांच्या ही बाब लक्षात आली. (Pune News) घटनेची माहिती मिळताच पोलिसांना कळविण्यात आले. त्यानंतर अग्निशमन दलाचे जवान घटनास्थळी दाखल झाले आणि त्यांनी मुलाला बाहेर काढले. मात्र, तोपर्यंत उशीर झाला होता. (Pune News) प्राथमिक तपासात लिफ्टमध्ये कोणताही तांत्रिक बिघाड आढळून आलेला नसल्याचे सांगितले जात आहे. लिफ्टची देखभाल सोसायटीमार्फत केली जात असल्याची माहिती समोर आली आहे. या प्रकरणी सिंहगड रोड पोलिसांनी अकस्मात मृत्यूची नोंद केली असून पुढील तपास सुरू असल्याचे वरिष्ठ पोलीस निरीक्षक विनय पाटणकर यांनी सांगितले. (Pune News)
