पुणे :  नवीन शैक्षणिक प्रणाली, शाळा, शिक्षक आणि पालकांमध्ये समन्वय निर्माण व्हावा. यातून विद्यार्थ्यांच्या सर्वांगीण विकासाला मदत व्हावी, या उद्देशाने केंद्रीय माध्यमिक शिक्षण मंडळ (सीबीएसई) बोर्डाने महत्त्वाचे पाऊल उचलले आहे. सीबीएसईने २०२५-२६ सत्रासाठी पालकत्व दिनदर्शिका विकसित करण्याचा निर्णय घेतला आहे. यासाठी १० सदस्यांची समिती स्थापन करण्यात आली आहे. समिती १५ मार्च २०२५ पर्यंत आपल्या शिफारशी सादर करण्याची शक्यता आहे.

पालक-शिक्षक यांच्यातील प्रभावी संवाद सुलभ व्हावा. किशोरवयीन मुले, विशेष गरजा असलेली मुले आणि मध्यम वयोगटातील विद्यार्थ्यांच्या विविध गरजांना पाठिंबा देणे आणि महत्त्वाच्या टप्प्यांना संबोधित करण्यासाठी एक सुसंगत संवाद चौकट स्थापित करणे हे या पालकत्व दिनदर्शिका विकसित करण्याचे उद्दिष्ट आहे.

उदयोन्मुख शैक्षणिक परिस्थितीत शाळा आणि पालकांमध्ये परस्पर सहकार्याची गरज अत्यंत महत्त्वाची आहे. हे साध्य करण्यासाठी, सीबीएसई शैक्षणिक सत्र २०२५-२६ साठी एक संरचित पालकत्व दिनदर्शिका विकसित करण्याचा मानस आहे.

दिल्लीतील सरदार पटेल विद्यालयाच्या प्राचार्या अनुराधा जोशी या समितीच्या अध्यक्षा आहेत. देशभरातील वेगवेगळ्या शाळांमध्ये ९ मुख्याध्यापकही समितीचे सदस्य आहेत.