Pune News : मरकळ (ता. खेड) ग्रामपंचायतीच्या उपसरपंच पदासाठी शितल बाळासाहेब लोंखडेयांची बिनविरोध निवड झाली आहे. ही माहिती ग्रामपंचायत अधिकारी पी.एस.शेवाळे यांनी दिली. मागील उपसरपंच संगीता बाळासाहेब लोंखडे यांनी इतर सदस्यांना काम करण्याची संधी मिळावी म्हणून स्वखुशीने राजीनामा दिला होता. त्यामुळे रिक्त झालेल्या उपसरपंच पदासाठी निवड प्रक्रिया राबवण्यात आली. सरपंच हनुमंत काळूराम लोंखडे यांच्या अध्यक्षतेखाली झालेल्या बैठकीत फक्त शितल बाळासाहेब लोंखडे यांचाच एकमेव अर्ज दाखल झाला. सर्व सदस्यांच्या एकमताने त्यांची बिनविरोध निवड करण्यात आली. सरपंच हनुमंत लोंखडे यांनी याची अधिकृत घोषणा केली. उपस्थित मान्यवर निवड प्रक्रियेनंतर नवनिर्वाचित उपसरपंच शितल लोंखडे यांचा ग्रामपंचायत आणि ग्रामस्थांच्या वतीने मारुती मंदिरात दर्शन घेऊन सत्कार करण्यात आला. यावेळी त्यांना शाल,श्रीफळ आणि पुष्पगुच्छ देऊन अभिनंदन करण्यात आले. या कार्यक्रमाला माजी उपसरपंच संगीता लोंखडे, नयना लोंखडे, रामदास लोंखडे, अमोल लोंखडे, सतिश लोंखडे, संपोष कुभांर, उज्वला लोंखडे, संतोष भुसे, स्वाती चव्हाण, वैशाली लोंखडे, नयना वर्पे, आशा लोंखडे, भानुदास लोंखडे यांच्यासह ग्रामपंचायतीचे इतर सदस्य, ग्रामस्थ, कर्मचारीवर्ग, आजी-माजी पदाधिकारी आणि मोठ्या संख्येने महिला उपस्थित होत्या.
