Pune: पीपल्स एज्युकेशन सोसायटीच्या येरवडा येथील डॉ.आंबेडकर कला व वाणिज्य महाविद्यालयाच्या वतीने घेण्यात आलेल्या विविध कला व क्रीडा, आविष्कार संशोधन स्पर्धांना विद्यार्थ्यांकडून उत्स्फुर्त प्रतिसाद मिळाला. या स्पर्धांमधील विजेत्यांना सन्मानचिन्ह, प्रमाणपत्र देवून गौरविण्यात आले. महाविद्यालयात कला व क्रीडा, आविष्कार संशोधन स्पर्धांचा वार्षिक पारितोषिक वितरण समारंभ व सांस्कृतिक कार्यक्रम घेण्यात आला. यावेळी प्रमुख पाहुणे म्हणुन सावित्रिबाई फुले पुणे विद्यापीठातील क्रीडा संचालक डॉ. सुदाम शेळके हे उपस्थित होते. संस्थेचे उपाध्यक्ष डॉ.डी.जी.देशकर, प्रभारी प्राचार्य डॉ.गौतम बनसोडे, आयक्युएसी समन्वयक प्रा. डॉ.रुपेश थोपटे, प्रा. सुर्यकांत अस्वरे, प्रा. जगदीश गाणार आदींसह अन्य प्राध्यापक, कर्मचारी, विद्यार्थी उपस्थित होते. सांस्कृतिक कार्यक्रमात विद्यार्थ्यांनी विविध कलागुण सादर केले व उपस्थितींची उत्स्फुर्त दादही मिळविली. कला मंडळाच्या वतीने मेंहदी, रांगोळी, पाककला स्पर्धा घेण्यात आल्या. आविष्कार संशोधन स्पर्धेतही विद्यार्थ्यांनी उत्तम कामगिरी केली. क्रीडा विभागाच्या वतीने कॅरम, बुद्धिबळ, गोळाफेक, थाळीफेक, व्हॉली बॉल, क्रिकेट या स्पर्धा घेण्यात आल्या. पारितोषिक यादी वाचन प्रा. डॉ. रुपेश थोपटे, प्रा. रिमा खरे यांनी केले. कार्यक्रमाचे प्रास्ताविक डॉ. गौतम बनसोडे यांनी केले आहे. सूत्रसंचालन प्रा. डॉ. श्रेयसी परब यांनी केले. आभार प्रा. प्रशांत झोंबाडे यांनी मानले.
