नवी दिल्ली : सुर्यदत्त एज्युकेशन फाउंडेशन (SEF) चे संस्थापक अध्यक्ष प्रा. डॉ. संजय बी चोरडिया यांना शिक्षण व उद्योग क्षेत्रातील उल्लेखनीय योगदानाबद्दल ‘पद्मविभूषण डॉ. मुरली मनोहर जोशी लाइफटाइम अचिव्हमेंट अवॉर्ड’ ने सन्मानित करण्यात आले. हा सन्मान फेडरेशन फॉर वर्ल्ड अकॅडमिक्स (FWA) आणि एज्युकेशन पोस्ट न्यूज (EPN) यांच्या संयुक्त विद्यमाने आयोजित एफडब्ल्यूए च्या ८ व्या “इंडस्ट्री-अकॅडमिया अन्यूअल कॉन्क्लेव्ह २०२५” या कार्यक्रमात हॉटेल ल मेरिडियन, नवी दिल्ली येथे प्रदान करण्यात आला.

हा पुरस्कार पद्मविभूषण डॉ. मुरली मनोहर जोशी, यांच्या हस्ते प्रदान करण्यात आला. पद्मविभूषण डॉ. मुरली मनोहर जोशी हे भारताचे ज्येष्ठ राजकारणी आणि भारतीय जनता पक्षाच्या (भाजप) प्रमुख शिल्पकारांपैकी एक आहेत. त्यांनी १९९१ ते १९९३ या कालावधीत भाजप अध्यक्ष म्हणून कार्य केले तसेच १९९८ ते २००४ दरम्यान भारत सरकारमध्ये मानव संसाधन विकास, विज्ञान व तंत्रज्ञान मंत्री म्हणून जबाबदारी पार पाडली. शैक्षणिक सुधारणा, वैज्ञानिक संशोधनाचा प्रसार आणि मूल्याधारित शिक्षणाच्या प्रवर्तनासाठी त्यांच्या उल्लेखनीय कार्यामुळे ते सर्वत्र आदराचे मानकरी ठरले आहेत. आजही ते आपल्या दूरदृष्टी आणि विचारप्रवर्तक कार्याद्वारे देशभरातील शिक्षणतज्ज्ञ आणि पिढ्यान्पिढ्या विद्यार्थ्यांना प्रेरणा देत आहेत.

या सन्मानाबद्दल कृतज्ञता व्यक्त करताना प्रा. डॉ. चोरडिया म्हणाले, “डॉ. जोशी यांच्या शिक्षणमंत्रीपदाच्या काळातच १९९९ साली सुर्यदत्ता एज्युकेशन फाउंडेशनची स्थापना झाली. त्यांच्या प्रेरणेतूनच संस्थेने प्रगतीचा प्रवास सुरू केला. आज त्यांच्या हस्ते हा सन्मान मिळणे माझ्यासाठी अत्यंत अभिमानास्पद व संस्मरणीय क्षण आहे.” प्रा. डॉ. संजय बी. चोरडिया हे जागतिक दर्जाचे शिक्षणतज्ज्ञ, उद्योग व व्यवस्थापन क्षेत्रातील तज्ञ, प्रेरक प्रशिक्षक आणि समाजसेवक आहेत. सूर्यदत्त एज्युकेशन फाउंडेशन मार्फत त्यांनी माफक शुल्कात गुणवत्तापूर्ण शिक्षण देऊन विद्यार्थ्यांच्या सर्वांगीण विकासास नेहमी प्रोत्साहन दिले आहे. त्यांच्या दूरदृष्टीमुळे सुर्यदत्त एज्युकेशन फाउंडेशनने आज सुर्यदत्त ग्रुप ऑफ इन्स्टिट्यूट्स (SGI) म्हणून प्रगती साधली आहे. SGI अंतर्गत २५ पेक्षा अधिक मान्यताप्राप्त संस्था कार्यरत असून, त्या K–12 शाळा, ज्युनिअर कॉलेजेस, उच्च शिक्षण संस्था, संशोधन केंद्रे, नवोन्मेष व उद्योजकता केंद्रे, तसेच उत्कृष्टतेची केंद्रे अशा विविध स्तरांवर शिक्षण देतात.

SGI मध्ये बिझनेस मॅनेजमेंट, माहिती तंत्रज्ञान, हॉटेल मॅनेजमेंट, फॅशन व इंटीरियर डिझाईन, ॲनिमेशन, सायबर सिक्युरिटी, फिजिओथेरपी, विधी, फार्मसी, नर्सिंग, होम सायन्स, टीचर एज्युकेशन, कला, वाणिज्य अशा विविध शाखांमध्ये पदवी, पदव्युत्तर व संशोधन अभ्यासक्रम चालवले जातात. डॉ. संजय बी. चोरडिया हे जागतिक दृष्टिकोन आणि भारतीय मूल्यांचे प्रतीक असून शिक्षणाच्या क्षेत्रात परिवर्तन घडवणाऱ्या विचारसरणीचे प्रणेते आहेत. एक द्रष्टे शिक्षणतज्ज्ञ म्हणून त्यांनी उत्कृष्ट शैक्षणिक वातावरणाच्या संकल्पनेत आमूलाग्र बदल घडवून आणले आहेत. त्यांनी कठोर शैक्षणिक निकषांना नाविन्यपूर्ण अध्यापन पद्धतींसोबत जोडून शिक्षण अधिक परिणामकारक आणि विद्यार्थी-केंद्रित केले आहे. आत्मविश्वासी, सर्जनशील आणि पुढाकार घेणारे विद्यार्थी तयार करणे हे त्यांचे ध्येय आहे आणि ते उद्योग-जगतातील प्रत्यक्ष सहभाग, मूल्याधारित शिक्षण आणि सर्वांगीण शैक्षणिक दृष्टिकोनाद्वारे साध्य करत आहेत.

एफडब्ल्यूए च्या ८ व्या “इंडस्ट्री-अकॅडमिया अन्यूअल कॉन्क्लेव्ह २०२५” या कार्यक्रमाचा विषय होता “तंत्रज्ञान आणि अध्यापन-शिक्षण: आव्हाने आणि संधी”. कार्यक्रमाचे स्वागतपर भाषण डॉ. इरफान ए. रिजवी, अध्यक्ष, FWA यांनी केले, तर प्रा. जी. सी. त्रिपाठी, माजी कुलगुरू, बनारस हिंदू विद्यापीठ यांनी प्रमुख भाषण दिले. या कार्यक्रमात विविध श्रेणींमध्ये ‘पद्मविभूषण डॉ. मुरली मनोहर जोशी टीचर्स अवॉर्ड 2025’ प्रदान करण्यात आले. या पुरस्कारांत लाइफटाइम अचिव्हमेंट , लेजेंडरी टीचर्स आणि टीचर्स सन्मान या तीन गटांचा समावेश होता.

या पुरस्कारांच्या इतर मान्यवर विजेत्यांमध्ये डॉ. जी. विश्वनाथन, कुलगुरू, VIT वेल्लोर, प्रा. (डॉ.) समित रे, कुलगुरू, आदमास विद्यापीठ, कोलकाता, डॉ. मधू चितकारा, प्रो-कुलगुरू, चितकारा विद्यापीठ, चंदीगड, डॉ. निरंजन कुमार, कुलगुरू, SDM विद्यापीठ, धारवाड यांचा समावेश होता. कार्यक्रमाची सांगता पद्मविभूषण डॉ. मुरली मनोहर जोशी यांच्या प्रेरणादायी भाषणाने झाली. त्यांच्या मार्गदर्शनाने उपस्थित सर्व शिक्षणतज्ज्ञांना शिक्षण क्षेत्रात परिवर्तन घडवण्याची प्रेरणा मिळाली. आपल्या आदरणीय चेअरमन प्रा. डॉ. संजय बी. चोरडिया यांचे या मानाच्या सन्मानाबद्दल सुर्यदत्त परिवारातर्फे हार्दिक अभिनंदन करण्यात आले आणि त्यांच्या उज्ज्वल भविष्यासाठी शुभेच्छा देण्यात आल्या.