Prithvi Shaw : रणजी ट्रॉफी 2025-26 हंगामापूर्वी मुंबई आणि महाराष्ट्र यांच्यातील सराव सामन्यातील एका सामन्याने सर्वांचे लक्ष वेधून घेतले. एमसीए मैदानावर खेळल्या गेलेल्या या सामन्यात महाराष्ट्राकडून खेळणाऱ्या पृथ्वी शॉने मुंबईच्या गोलंदाजांची धुलाई करत 219 चेंडूंमध्ये 181 धावांची खणखणीत खेळी केली. मात्र, त्याच्या शतकी खेळीपेक्षा मैदानावर घडलेल्या राड्यामुळे तो चर्चेत आला. मुंबईला सोडचिठ्ठी दिल्यानंतर आपल्या जुन्या संघाविरुद्ध शतक ठोकणाऱ्या पृथ्वीने आपला दावा मजबूत केला, पण मैदानावरील वादाने सर्वांचे लक्ष वेधले. पृथ्वी शॉची आक्रमक फलंदाजी महाराष्ट्राकडून फलंदाजी करताना पृथ्वी शॉने मुंबईच्या गोलंदाजांचा कडवा प्रतिकार केला. त्याने 73.2 षटकं मैदानावर टिकून राहत 219 चेंडूंमध्ये 181 धावा फटकावल्या. या खेळीत त्याने 84 चेंडूंमध्ये अर्धशतक आणि 144 चेंडूंमध्ये शतक पूर्ण केले. अष्टपैलू अर्शिन कुलकर्णीसोबत त्याने पहिल्या गड्यासाठी 305 धावांची दमदार भागीदारी रचली, ज्यामुळे महाराष्ट्राने 430 धावांचा डोंगर उभा केला. पृथ्वीची ही खेळी रणजी हंगामात त्याच्या फॉर्मची चुणूक दाखवणारी ठरली. मैदानावरील वाद आणि हायव्होल्टेज ड्रामा पृथ्वी शॉच्या खेळीचा शेवट मात्र वादग्रस्त ठरला. मुशीर खानने त्याला बाद केल्यानंतर मुंबईच्या खेळाडूंनी पृथ्वीला डिवचण्याचा प्रयत्न केला. काही शब्द पृथ्वीच्या हृदयाला भिडले आणि त्याचा राग अनावर झाला. तो मुंबईच्या खेळाडूंवर भडकला आणि मैदानावर जोरदार शाब्दिक चकमक झाली. प्रकरण वाढत असताना पंचांनी मध्यस्थी करत परिस्थिती नियंत्रणात आणली. हा राडा पृथ्वी शॉच्या संयमाची परीक्षा पाहणारा ठरला. Heated exchange between Prithvi Shaw and Mumbai players after his wicket! pic.twitter.com/l9vi1YgeYs — INSANE (@1120_insane) October 7, 2025 पृथ्वी शॉचा फॉर्म आणि कसोटी संघाची शक्यता गेल्या काही महिन्यांपासून फॉर्मच्या शोधात असलेल्या पृथ्वी शॉने या सामन्यात आपली चमक दाखवली. त्याची आक्रमक आणि तांत्रिकदृष्ट्या परिपूर्ण खेळी रणजी हंगामात मोठी कामगिरी करण्याचे संकेत देत आहे. दुसरीकडे, भारतीय कसोटी संघात तिसऱ्या क्रमांकावर फलंदाजाचा शोध सुरू आहे. करुण नायर आणि साई सुदर्शन यांना संधी मिळूनही ते अपयशी ठरले आहेत. जर पृथ्वी शॉने रणजीत सातत्याने चमक दाखवली, तर त्याच्यासाठी कसोटी संघाची दारे पुन्हा खुली होऊ शकतात.
