नवी दिल्ली: रशियाचे राष्ट्राध्यक्ष व्लादिमीर पुतिन चार वर्षांच्या कालावधीनंतर भारताच्या दोन दिवसीय महत्त्वपूर्ण दौऱ्यासाठी नवी दिल्लीत दाखल झाले आहेत. पालम विमानतळावर पंतप्रधान नरेंद्र मोदी यांनी स्वतः त्यांचे अत्यंत उत्साहाने स्वागत केले. उभय नेत्यांनी गळाभेट घेत भारत-रशिया संबंधातील या नव्या अध्यायाची सुरुवात केली. ही भेट केवळ एक राजनैतिक औपचारिकता नाही, तर बदलत्या जागतिक परिस्थितीत भारत आणि रशियाच्या संबंधांना नवी दिशा देणारी ठरणार आहे.

पंतप्रधान मोदींनी केले राष्ट्राध्यक्ष पुतिन यांचे स्वागत
रूसी राष्ट्राध्यक्ष पुतिन यांच्या आगमनासाठी पंतप्रधान मोदी स्वतः पालम विमानतळावर पोहोचले होते. राष्ट्राध्यक्ष पुतिन यांचे विमान दिल्लीत उतरताच, दोन्ही नेत्यांनी एकमेकांना मिठी मारून त्यांचे स्वागत केले. यानंतर राष्ट्राध्यक्ष पुतिन पंतप्रधान मोदींसोबत थेट पंतप्रधानांच्या निवासस्थानी रवाना झाले, जिथे त्यांच्यात द्विपक्षीय चर्चा होणार आहे. रात्रीच्या जेवणासाठीही पुतिन पीएम निवासस्थानी थांबणार आहेत.

#WATCH | Russian President Vladimir Putin lands in Delhi

President Putin is on a two-day State visit to India. He will hold the 23rd India-Russia Annual Summit with PM Narendra Modi in Delhi on December 5 pic.twitter.com/Y6dELuOUbt

— ANI (@ANI) December 4, 2025

२३व्या भारत-रूस वार्षिक शिखर परिषदेत सहभाग
राष्ट्राध्यक्ष पुतिन ५ डिसेंबर रोजी पंतप्रधान नरेंद्र मोदी यांच्यासोबत २३व्या भारत-रशिया वार्षिक शिखर परिषदेत सहभागी होणार आहेत. दोन दिवसांच्या या राजकीय दौऱ्याकडे संपूर्ण जगाचे लक्ष लागले आहे.

आरोग्य आणि आर्थिक सहकार्यावर भर –
केंद्रीय आरोग्य मंत्री जेपी नड्डा यांनी आज रशियाचे आरोग्य मंत्री मिखाइल मुराशको यांची भेट घेतली. या भेटीत आरोग्य क्षेत्रातील द्विपक्षीय सहकार्य आणि भागीदारी वाढवण्यावर सहमती झाली. दोन्ही बाजूंनी परवडणाऱ्या आणि गुणवत्तापूर्ण आरोग्य सेवांपर्यंत पोहोचण्याच्या समान दृष्टिकोनाला पुढे नेण्याची कटिबद्धता व्यक्त केली.

आर्थिक संबंध अधिक मजबूत होणार:

सरकारी सूत्रांनी दिलेल्या माहितीनुसार, राष्ट्राध्यक्ष पुतिन यांचा हा दौरा आर्थिक सहकार्य वाढवण्यासाठी अत्यंत उपयुक्त ठरेल. पुतिन यांच्यासोबत व्यवसायिकांचा मोठा गट भारतात आला आहे. भारत आणि रशिया यांच्यातील व्यापार तफावत कमी करण्यावर लक्ष केंद्रित केले जाईल. फार्मास्युटिकल्स, ऑटोमोबाईल, कृषी उत्पादने आणि सागरी उत्पादनांच्या क्षेत्रात भारतीय निर्यात वाढवण्याचे मार्ग शोधले जात आहेत. शिपिंग, आरोग्य सेवा, खते आणि कनेक्टिव्हिटी क्षेत्रात अनेक महत्त्वपूर्ण करार आणि सामंजस्य करारांवर स्वाक्षरी होण्याची अपेक्षा आहे.

जागतिक बदलांदरम्यान अत्यंत महत्त्वाची भेट
माजी मुत्सद्दी राजीव भाटिया यांनी या भेटीला ‘अत्यंत महत्त्वपूर्ण’ म्हटले आहे, कारण युक्रेन युद्ध, भारत-अमेरिका संबंधांमधील तणाव आणि जी-२० घटनाक्रमानंतर रशियन राष्ट्राध्यक्षांचा हा पहिलाच दौरा आहे. ब्रह्मोस एरोस्पेसचे माजी सीईओ सुधीर कुमार मिश्रा यांनीही या भेटीला जागतिक बदलांदरम्यान  महत्त्वाचे म्हंटले आहे. “पंतप्रधान मोदी आणि राष्ट्राध्यक्ष पुतिन कोणत्या मुद्द्यांवर सहमती दर्शवतात यावर संपूर्ण जगाचे लक्ष असेल,” असे ते म्हणाले.