Preity Zinta: बॉलीवूडची बिंदास आणि नेहमी हसतमुख असलेली अभिनेत्री प्रीती झिंटा आज आपला ५१वा वाढदिवस साजरा करत आहे. अभिनयाबरोबरच स्पष्टवक्तेपणा आणि आत्मविश्वासामुळे प्रीतीने नेहमीच चाहत्यांच्या मनात वेगळी जागा निर्माण केली. तिचं वैयक्तिक आयुष्यही कायम चर्चेत राहिलं आहे विशेषतः तिच्या प्रेमसंबंधांमुळे. बालपणातच जबाबदाऱ्यांची जाणीव ३१ जानेवारी १९७५ रोजी हिमाचल प्रदेशातील शिमला येथे जन्मलेल्या प्रीतीचे वडील दुर्गानंद झिंटा हे भारतीय सैन्यात अधिकारी होते. प्रीती अवघी १३ वर्षांची असताना एका भीषण अपघातात वडिलांचं निधन झालं. या अपघातात आई नीलप्रभा गंभीर जखमी झाल्या. या धक्क्यामुळे प्रीतीचं आयुष्य लवकरच प्रौढपणाकडे वळलं आणि तिने कमी वयातच जबाबदाऱ्या स्वीकारल्या. अभ्यासातही तितकीच हुशार प्रीती केवळ अभिनयातच नाही, तर शिक्षणातही पुढे होती. तिने इंग्रजी विषयात पदवी आणि क्रिमिनल सायकॉलॉजीमध्ये पदव्युत्तर शिक्षण घेतलं आहे. एका मित्राच्या वाढदिवसाच्या पार्टीत तिची भेट एका दिग्दर्शकाशी झाली आणि तिथूनच तिला जाहिरातींच्या दुनियेत प्रवेश मिळाला. पुढे ती अनेक जाहिरात चित्रपटांत झळकली. Preity Zinta बॉलीवूडमधील यशस्वी वाटचाल १९९८ साली शाहरुख खानसोबतच्या ‘दिल से’ चित्रपटातून प्रीतीने बॉलीवूडमध्ये पदार्पण केलं. त्यानंतर ‘क्या कहना’, ‘कल हो ना हो’, ‘वीर-झारा’, ‘सोल्जर’ यांसारख्या गाजलेल्या चित्रपटांमुळे ती घराघरात पोहोचली. नेस वाडियासोबतचं चर्चेतलं नातं प्रीतीच्या वैयक्तिक आयुष्यात सर्वाधिक चर्चेत राहिलेलं नातं म्हणजे उद्योगपती नेस वाडिया यांच्यासोबतचं. दोघांचं अफेअर बराच काळ चर्चेत होतं. आयपीएलदरम्यानही ते अनेकदा एकत्र दिसायचे. मात्र काही काळानंतर हे नातं तुटलं आणि दोघांनी वेगवेगळे मार्ग स्वीकारले. अमेरिकेत गुप्त लग्न २०१६ साली प्रीतीने अमेरिकन बिझनेसमन जीन गुडइनफ यांच्याशी लग्न केलं. जीन प्रीतीपेक्षा सुमारे १० वर्षांनी लहान आहेत. दोघांनी २९ फेब्रुवारी २०१६ रोजी लॉस एंजेलिसमध्ये अत्यंत खासगी समारंभात विवाह केला. विशेष म्हणजे, प्रीतीने या लग्नाचे फोटो तब्बल सहा महिन्यांनंतर सोशल मीडियावर शेअर केले होते. आजही चर्चेत सध्या प्रीती झिंटा चित्रपटांपासून थोडी दूर असली, तरी आयपीएलमधील पंजाब किंग्स संघाची सह-मालकीण आणि यशस्वी बिझनेसवुमन म्हणून ती सातत्याने चर्चेत असते. अभिनय, संघर्ष, प्रेम आणि यश प्रीती झिंटाचा हा प्रवास आजही अनेकांसाठी प्रेरणादायी आहे.
