Prajakta Mali: अभिनेत्री प्राजक्ता माळी सोशल मिडियावर सक्रिय असते. अनेक फोटो आणि व्हिडीओ शेअर करत ती आपल्या आगामी प्रोजेक्टची माहितीही शेअर करते. नुकतेच तिने अभिनेत्री क्रांती रेडकरसाठी एक खास पोस्ट शेअर केली आहे. प्राजक्ताने क्रांतीच्या आगामी मैत्रेया चित्रपटाला शुभेच्छा देताना ही पोस्ट लिहिली आहे.

प्राजक्ताची पोस्ट चर्चेत

प्राजक्ताने पोस्टमध्ये लिहिले की, ”हे क्रांती ताई, तू मला अनेक प्रकारे प्रेरित आणि प्रोत्साहित केले आहेस आणि हे त्याचेच हे आणखी एक उदाहरण आहे. तू जे करत आहेस ते खरोखरच उत्कृष्ट आहे. पुरुषांची मक्तेदारी असलेल्या इंडस्ट्रीमध्ये इतक्या खंबीरपणे पाय रोवून उभे राहणे आणि दिग्दर्शक म्हणून स्वतःचे स्थान निर्माण करणे, तसेच दोन लहान जुळ्या मुलांचा सांभाळ करणे, ही काही साधी गोष्ट नाही, हे खरोखरच कौतुकास्पद आहे.

 

View this post on Instagram

 

माझे संपूर्ण प्रेम आणि पाठिंबा नेहमी तुझ्यासोबत आहे. ट्रेलर खूप आवडला. चित्रपटाला यश आणि खूप खूप शुभेच्छा! आणि आपल्यातलं “मैत्रेय” पण असंच बहरत राहो…” प्राजक्ताने ही पोस्ट शेअर करताच क्रांतीनेही तिचे आभार मानले आहेत. प्राजक्ता कायमच सपोर्ट करताना दिसते, अशा शब्दांत क्रांतीने कौतुक केलं आहे.

दरम्यान, समर टाईम्स प्रॉडक्शन निर्मित आणि क्रांती रेडकर वानखेडे लिखित-दिग्दर्शित ‘मैत्रेया’ सिनेमाची निर्मिती मनोज खळतकर यांनी केली असून अमन खळतकर हे सहनिर्माते आहेत. येत्या 20 नोव्हेंबरला हा सिनेमा प्रेक्षकांच्या भेटीला येणार आहे. सध्या प्राजक्ताच्या या पोस्टवर चाहत्यांकडूनही कौतुकाचा आणि शुभेच्छांचा वर्षाव केला जातोय.

हेही वाचा: 

NCP Crisis : वाढता संघर्ष रोखणं मोठं आव्हान; देवगिरी बंगल्यावरील बैठकीला १७ आमदारांची दांडी?