Praful Patel : राज्यात राष्ट्रवादी काँग्रेसच्या संभाव्य विलिनीकरणाची चर्चा सुरू असतानाच, पक्षाचे ज्येष्ठ नेते प्रफुल पटेल यांनी पंतप्रधान नरेंद्र मोदी आणि केंद्रीय गृहमंत्री अमित शाह यांची स्वतंत्रपणे भेट घेतल्याने राजकीय वर्तुळात खळबळ उडाली आहे. दिल्लीतील या भेटीत दोघांशीही सुमारे ५ ते ६ मिनिटे चर्चा झाल्याची माहिती असून, मात्र चर्चेचा तपशील अद्याप समोर आलेला नाही.दिल्लीमध्ये सध्या संसदेचे अर्थसंकल्पीय अधिवेशन सुरू आहे. Praful Patel Meet PM Narendra Modi याच पार्श्वभूमीवर पंतप्रधान मोदी यांनी एनडीएच्या खासदारांची बैठक घेतली होती. या बैठकीत त्यांनी दिवंगत उपमुख्यमंत्री अजित पवार यांना श्रद्धांजली वाहिली. त्यानंतर प्रफुल पटेल (Praful Patel) यांनी आधी पंतप्रधान मोदी आणि नंतर गृहमंत्री अमित शाह यांची भेट घेतली. विलिनीकरणाला आधीच ‘ग्रीन सिग्नल’? अजित पवार हयात असताना दोन्ही राष्ट्रवादी गटांच्या विलिनीकरणाबाबत चर्चा सुरू होती आणि त्यावेळी मोदी-शाहांनी त्यास अनुकूल भूमिका घेतल्याची चर्चा राजकीय वर्तुळात होती. त्यामुळे पटेलांची ही भेट अत्यंत महत्त्वाची मानली जात आहे. प्रफुल पटेल हे राष्ट्रवादीतील केंद्रीय निर्णयप्रक्रियेत महत्त्वाची भूमिका बजावतात. विलिनीकरणाची चर्चा फेटाळली : अजित पवारांच्या निधनानंतर दोन्ही राष्ट्रवादी गट एकत्र येणार का? तसेच पक्षाचा राष्ट्रीय अध्यक्ष कोण होणार? यावरून चर्चांना वेग आला होता. प्रफुल पटेल यांच्याकडेच राष्ट्रीय अध्यक्षपद जाणार असल्याचीही चर्चा होती. मात्र, या सर्व चर्चांवर प्रफुल पटेल यांनी स्पष्टीकरण देत पूर्णविराम देण्याचा प्रयत्न केला आहे. “राष्ट्रीय अध्यक्षपदाचा निर्णय माझ्याशिवाय होईल,” असे स्पष्ट करत त्यांनी सुनेत्रा पवार यांच्याकडे नेतृत्व जाण्याचे अप्रत्यक्ष संकेत दिले. तसेच, राष्ट्रवादीच्या विलिनीकरणाबाबत कोणतीही चर्चा झालेली नाही. असं देखील सांगितलं. ही बातमी वाचा : Congress MPs Suspended : काँग्रेसचे आठ खासदार निलंबित; नेमकं प्रकरण काय?
