मुंबई – सौंदर्याने अनेकांना घायाळ करणारी अभिनेत्री पूजा सावंत हे नाव आता कलाविश्वासाठी नवीन राहिलेलं नाही. मराठीप्रमाणेच हिंदी चित्रपटसृष्टीतही तिचं नाव बहरु लागलं आहे. त्यामुळे बऱ्याचवेळा ती चाहत्यांच्या चर्चेचा विषय ठरत असते. जंगली चित्रपटातून बॉलिवूडमध्ये पदार्पण करणाऱ्या पूजाविषयी सध्या चाहत्यांमध्ये एक नवीन चर्चा जोर धरु लागली आहे. ही चर्चा आहे तिच्या अफेअरविषयीची.
पूजा मराठी कलाविश्वातील एका लोकप्रिय अभिनेत्याला डेट करत असल्याची माहिती समोर येत आहे. नुकतंच पूजाने इन्स्टाग्रामवर शेअर केलेल्या फोटोमुळे या चर्चेला उधाण आलं आहे.
आता गं बया झकास सतरंगी रे दगडी चाळ नीळकंठ मास्तर या चित्रपटांमध्ये दमदार अभिनय करुन प्रेक्षकांची मनं जिंकणारी पूजा लोकप्रिय अभिनेता भूषण प्रधानला डेट करत असल्याचं सांगण्यात येत आहे. पूजा आणि भूषण या दोघांनीही इन्स्टाग्रामवर एकमेकांसोबतचे फोटो शेअर केले आहेत.
View this post on Instagram
दरम्यान, अद्यापतरी या दोघांच्या अफेअरर्सच्या केवळ चर्चा सुरु आहेत. भूषण हा मराठी कलाविश्वातील लोकप्रिय अभिनेता असून तरुणींमध्ये त्याची कमालीची क्रेझ आहे.