नवी दिल्ली- खासदार सनी देओल यांनी गुरुदासपूर लोकसभा मतदारसंघातून निवडणूक न लढवण्याची घोषणा केल्यानंतर आता भाजपला लोकसभा निवडणूक-2024 मध्ये नवा चेहरा शोधावा लागणार आहे. केवल भाजपालच नव्हे तर सर्व पक्षांना नव्याने उमेदवार शोधावा लागणार आहे. देओल यांनी लोकसभेची निवडणूक लढण्यास नकार दिल्यामुळे पंजाबमध्ये ‘गदर’ माजला आहे. पंजाबमध्ये अकाली-भाजप युती झाल्यापासून येथून फक्त भाजपच निवडणूक लढवत आहे.
अकाली-भाजप युती असताना येथून फक्त भाजपच निवडणूक लढवत आहे. युती तुटल्यानंतर एसएडी प्रथमच येथून निवडणूक लढवणार आहे. दुसरीकडे कॉंग्रेसचे विरोधी पक्षनेते प्रताप सिंग बाजवा, जे येथून खासदार होते, त्यांनी भविष्यात कोणतीही निवडणूक न लढवण्याची घोषणा केली आहे.
2019 च्या लोकसभा निवडणुकीत लालचंद कटारुचक हे आपचे उमेदवार होते. 2022 च्या विधानसभेत भोवाची जागा जिंकल्यानंतर कटारुचक आता राज्याचे कॅबिनेट मंत्री आहेत. यावेळी त्यांची निवडणूक न लढवण्याची शक्यता आहे. भाजपचे प्रदेशाध्यक्ष सुनील जाखड येथून तगडे उमेदवार असू शकतात, मात्र त्यांना आता गुरुदासपूरमधून निवडणूक लढवण्यात रस नाही.
माजी प्रदेशाध्यक्ष अश्वनी शर्मा यांनाही दावेदार मानले जात आहे, मात्र जाखड यांना अध्यक्ष करण्यात आल्याने ते पक्ष हायकमांडवर नाराज आहेत. एकूणच सनी देओल यांच्या निवडणूक न लढवण्याच्या घोषनेनंतर सर्वच पक्षांना नव्या चेहऱ्यासाठी शोधाशोध करावी लागणार आहे.
असा आहे जागेचा इतिहास
1971 ते 1996 या काळात गुरुदासपूरमध्ये झालेल्या सात लोकसभा निवडणुकांमध्ये कॉंग्रेसचे उमेदवार सहा वेळा विजयी झाले होते. 1980 ते 1996 पर्यंत सुखवंत कौर भिंदर सलग पाच वेळा खासदार झाल्या. यानंतर 1998 मध्ये भाजपने चित्रपट अभिनेते विनोद खन्ना यांना उमेदवारी दिली होती. विनोद खन्ना हे भिंदर यांचा पराभव करून पहिल्यांदाच भाजपचे खासदार झाले. मुकेरियन पूल बनवण्याशिवाय अनेक मोठी विकासकामे त्यांनी करून दिली. यामुळे लोकांनी त्यांना तीन वेळा विजयी करून संसदेत पाठवले. 2009 मध्ये त्यांचा एकदा पराभव झाला होता, तर 2014 मध्ये त्यांनी पुन्हा विजय मिळवला होता.
त्यांच्या मृत्यूनंतर झालेल्या 2017 च्या पोटनिवडणुकीत, भाजपने स्थानिक नेते स्वरण सलारिया यांना उमेदवारी दिली, ज्यांना कॉंग्रेसचे उमेदवार सुनील जाखड यांच्याकडून पराभव पत्करावा लागला. 2019 च्या निवडणुकीत भाजपने सनी देओल यांना उमेदवारी दिली. सनी 82 हजार मतांनी विजयी झाले. कॉंग्रेसचे उमेदवार सुनील जाखड यांचा पराभव करून त्यांनी हा विजय मिळविला होता.