Political News : नांदेड शहरात धक्कादायक घटना घडली आहे. होमिओपॅथी महाविद्यालयात शिक्षण घेणाऱ्या २५ वर्षीय विद्यार्थिनीने वसतिगृहातच गळफास घेऊन आत्महत्या केली. ही घटना शुक्रवारी दुपारी हडको (सिडको) परिसरात घडली असून, त्यानंतर शहरात खळबळ उडाली आहे. मुलीच्या पालकांनी वसतिगृहचालक तथा राष्ट्रवादी काँग्रेस (अजित पवार गट) चे प्रदेश सचिव आणि माजी महापालिका विरोधी पक्षनेते जीवन घोगरे यांच्यावर गंभीर आरोप केले आहेत. त्यानुसार, नांदेड ग्रामीण पोलीस ठाण्यात त्यांच्याविरुद्ध आत्महत्येस प्रवृत्त करणे (IPC 306) आणि ॲट्रॉसिटी कायद्यांतर्गत गुन्हा दाखल करण्यात आला आहे. Political News मृत विद्यार्थिनीचे नाव आकांक्षा मुंजाजी गायकवाड (वय २५) असे आहे. ती शामराव कदम होमिओपॅथिक महाविद्यालय (हडको परिसर) मध्ये द्वितीय वर्षात शिक्षण घेत होती. शिक्षणासाठी ती नांदेड येथे सिडको भागातील खाजगी वसतिगृहात राहत होती, ज्याचे चालक जीवन घोगरे हे आहेत. Political News Political News मुलीच्या वडिलांनी दिलेल्या तक्रारीनुसार, गेल्या ८ ते १० महिन्यांपासून वसतिगृहाची फी थकल्याने जीवन घोगरे यांनी आकांक्षाला मानसिक त्रास दिला होता. “फी भरा, अन्यथा वसतिगृहातून बाहेर काढतो” अशा प्रकारे सतत दबाव टाकला जात होता. या सततच्या मानसिक छळाला आणि त्रासाला कंटाळून आकांक्षाने शुक्रवारी दुपारी वसतिगृहाच्या खोलीत गळफास घेऊन आत्महत्या केली, असा आरोप पीडित कुटुंबीयांनी केला आहे. मुलीचे वडील मुंजाजी गायकवाड यांनी पोलिसांत दिलेल्या जबाबात म्हटले आहे की, “माझ्या मुलीला डॉक्टर बनायचे होते, पण फीच्या कारणाने होणाऱ्या त्रासामुळे तिने हे टोकाचे पाऊल उचलले.” त्यांनी जीवन घोगरे यांनीच मुलीला आत्महत्येस प्रवृत्त केल्याचा स्पष्ट आरोप केला आहे. या तक्रारीवरून शुक्रवारी रात्री उशिरा नांदेड ग्रामीण पोलीस ठाण्यात गुन्हा दाखल करण्यात आला. या घटनेने नांदेडमध्ये एकच खळबळ उडाली असून, राजकीय वर्तुळातही चर्चेला उधाण आले आहे. जीवन घोगरे हे अजित पवार गटाचे सक्रिय नेते असून, महापालिकेत माजी विरोधी पक्षनेते राहिले आहेत. पोलिसांनी प्रकरणाची प्राथमिक चौकशी सुरू केली असून, पुढील तपास सुरू आहे. तसेच मुलीच्या नातेवाइकांनी मृतदेह ताब्यात घेण्यास नकार दिल्याची माहिती समोर आली आहे.
