मुंबई – छ्त्रपती शिवाजी महाराज टर्मिनस येथील हिमालय पादचारी पूल कोसळून झालेल्या अपघाता प्रकरणी, मुंबई पोलिसांनी आज मुंबई महापालिकेचे कार्यकारी अभियंता अनिल पाटील यांना अटक केली आहे. पोलिसांनी अनिल पाटील यांना न्यायालयात हजर केल्यानंतर न्यायालयाने अनिल पाटील यांना ५ एप्रिलपर्यंत पोलिस कोठडी सुनावली आहे.
Mumbai: Anil Patil, Executive BMC engineer has been arrested in connection with the matter where portion of a foot-over bridge near CSMT railway station collapsed last month. He has been sent to police custody till 5 April by Esplanade court.
— ANI (@ANI) April 3, 2019
या दुर्घटनेत ६ जणांना आपले प्राण गमवावे लागले होते तर इतर अनेकजण जखमी झाले होते. याघटनेनंतर मुख्यमंत्री देवेंद्र फडणवीस यांनी घटनास्थळी भेट दिली होती. तसेच सीएसएमटी पूल दुर्घटनेतील जखमींची सेंट जॉर्ज रुग्णालयात जाऊन विचारपूस केली होती. पूल दुर्घटनेची प्राथमिक जबाबदारी कोणाची हे तातडीने निश्चित करण्याचा आदेश मुख्यमंत्र्यांनी दिला होता.
