Police Bharti 2024 । राज्यात काही दिवसापूर्वी सरकारकडून मराठा आरक्षणाला मंजुरी देण्यात आली. त्याच आरक्षणाची आता राज्यात अंमलबजावणी आता होताना दिसतीय. कारण आगामी पोलीस भरती ही याच आरक्षणाच्या अंर्तगत होणार असल्याचे जाहीर करण्यात आलंय. गृहमंत्री देवेंद्र फडणवीस यांच्याकडून मोठा दिलासा देण्यात आला आहे. राज्य शासनाने 17 हजार 471 पोलिसांची भरती करण्यासाठी जी जाहिरात काढली त्यात 10 टक्के मराठा आरक्षणदेखील लागू राहणार आहे. हे 10 टक्के आरक्षण मराठा समाजातील तरुणांना लागू असणार असल्याची घोषणा फडणवीसांनी विधानपरिषदेत केली. तसेच यावेळी बोलतांना त्यांनी, “लोकप्रतिनिधींना धमक्या देणारे फोन कॉल्स करणाऱ्यांवर कडक कारवाई करणार आहे. 2022-23 मध्ये रिक्त झालेली 100 टक्के पदे भरण्यासाठी निर्बंध मागे घेतले आहेत. त्यामुळे 17 हजार 471 इतकी पोलीस भरती आणखी होणार आहे. ही पोलीस भरती 10 टक्के मराठा आरक्षणासह होणार असल्याचे फडणवीस म्हणाले आहेत. घोसाळकर हत्या प्रकरणाची चौकशी थांबणार नाही Police Bharti 2024 । विधानपरिषदेत बोलतांना फडणवीस म्हणाले की, “अभिव्यक्ती स्वातंत्र्य म्हणजे काय? दुसऱ्या कुणाच्या स्वातंत्र्यावर अतिक्रमण करीत नाही, तोवरच ते अभिव्यक्ती स्वातंत्र्य आहे. माजी नगरसेवक अभिषेक घोसाळकर घटना गंभीरच आहे. अंगरक्षकाला सुद्धा ताब्यात घेण्यात आले आहे. या प्रकरणाची चौकशी थांबणार नाही,” असे फडणवीस म्हणाले आहेत. पोलिसांच्या कारवाईचे कौतुक Police Bharti 2024 । तर राज्यातील महिला अत्याचारावर बोलतांना फडणवीस यांनी, “बलात्काराचे 96 टक्के गुन्हे उघडकीस आले असून, अल्पवयीन मुलींवर बलात्काराचे 98.49 टक्के प्रकरणा आहे. यातील 99 टक्के गुन्हे उघडकीस आले आहेत. ऑपरेशन मुस्कान अंतर्गत 2015 ते 2023 पर्यंत एकूण 12 ऑपरेशन राबवण्यात आले असून, 38,951 बालकांना त्यांच्या कुटुंबीयांच्या स्वाधीन करण्यात आलं. यासाठी आमच्या पोलिस दलाचे कौतुक आहे. विशेष हत्यार, अंमली पदार्थ, जुगार कायदा, दारुबंदी कायदा अशा कारवायांमध्ये वाढ पाहायला मिळत आहे. 4397 आरोपींवर तडीपारीची कारवाई करण्यात आली. 1318 आरोपींवर मोक्काची कारवाई झाली. गेल्यावर्षीशी तुलना केली, तर प्रतिबंधात्मक कारवाईत 69,942 ने वाढल्या आहेत, असेही फडणवीस म्हणाले.
