PMC Election : म्हाळुंगे परिसरात राष्ट्रवादी काँग्रेस पक्षाच्या वतीने आयोजित पदयात्रेला स्थानिक नागरिकांचा उत्स्फूर्त प्रतिसाद मिळाला. प्रत्येक उपविभागात नागरिकांचा सहभाग लक्षणीयरीत्या वाढल्याचे दिसून आले. घराघरांत जाऊन थेट संवाद साधताना नागरी सुविधा, सुरू असलेली विकासकामे आणि परिसरातील अपेक्षा यावर चर्चा करण्यात आली. या पदयात्रेत राष्ट्रवादी काँग्रेसच्या अधिकृत उमेदवार गायत्री मेढे-कोकाटे यांच्यासह बाबुराव चांदेरे, पार्वती निम्हाणे आणि अमोल बालवडकर यांनी सहभाग घेतला. नेत्यांनी दारोदारी भेटी घेऊन स्थानिक विकास, प्रशासन आणि भविष्यातील नियोजनाबाबत आपली भूमिका स्पष्ट केली. दरम्यान, याच आठवड्यात ‘विजय संकल्प यात्रे’दरम्यान राष्ट्रवादी काँग्रेसमध्ये प्रवेश केलेले भाजपचे माजी सरपंच संपर्क प्रमुख (कोथरूड विधानसभा) काळुराम गुलाब गायकवाड, सुस-म्हाळुंगे प्रभागाचे भाजपचे माजी उपसरपंच व अध्यक्ष राजेंद्र भिमा पाडाळे तसेच खंडू काशिनाथ खैरे, अनिल गायकवाड, भगवान कामठे, ओम गायकवाड आणि ओम संतोष पाडाळे यांनी पदयात्रेत सक्रिय सहभाग घेऊन पक्षाला मजबूत पाठिंबा दर्शवला. पदयात्रेत अनेक स्थानिक पदाधिकारी व सामाजिक प्रतिनिधी उपस्थित होते. यात पोलीस पाटील शांताराम पाडाळे, वामनराव कोळेकर, निलेश पाडाळे, सोपानराव खैरे, सुखदेव कोळेकर, विजय कोळेकर, नामदेवराव गोलांडे, युवराज कोळेकर, हरिश्चंद्र गायकवाड, जितेंद्र कोळेकर, राहुल दादा, किसन पारडे, काळुराम गायकवाड, राजेंद्र पाडाळे, नंदकुमार पाडाळे, समीर कोळेकर, किसनराव सुतार, रामराव पाडाळे, ज्ञानेश्वर पाडाळे, मनोज पाडाळे, धनराज निकळजे, आनंदराव कांबळे, प्रकाश तात्या आणि अनिल तात्या यांचा समावेश होता. पक्ष पदाधिकाऱ्यांनी सांगितले की, पदयात्रेला मिळालेला हा उत्स्फूर्त प्रतिसाद स्थानिक प्रश्नांबाबत नागरिकांमधील जागरूकतेचे द्योतक आहे. नागरिकांनीही या संधीचा लाभ घेऊन उमेदवारांसमोर थेट आपल्या समस्या, अपेक्षा आणि विकासासंबंधी सूचना मांडल्या. म्हाळुंगे परिसरात राष्ट्रवादी काँग्रेसला मिळत असलेला वाढता पाठिंबा आगामी निवडणुकीच्या दृष्टीने महत्त्वपूर्ण मानला जात आहे.
