Modi 3.0 Oath Ceremony 2024 | लोकसभा निवडणुकीत एनडीएने बहुमताचा आकडा पार केला असाल तरी इंडिया आघाडीने देखील यंदाच्या निवडणुकीत उत्तम यश मिळवले आहे. दरम्यान, लोकसभा निवडणुकीच्या निकालानंतर आता सरकार स्थापनेची तयारी सुरू झाली आहे. एनडीएने सर्वानुमते नरेंद्र मोदी यांची नेता म्हणून निवड केली आहे. त्यानुसार पंतप्रधान नरेंद्र मोदी हे शनिवारी ८ जूनला तिसऱ्यांदा पंतप्रधान पदाची शपथ घेणार आहेत. हा सोहळा दिल्ली येथे होणार आहे. बुधवारी दिल्लीत एनडीएमध्ये समाविष्ट पक्षांच्या प्रमुखांची बैठक झाली. या बैठकीत सरकार स्थापनेवर चर्चा झाली. एनडीएच्या मित्रपक्षांना कोणती मंत्रिपदे द्यायची यावरही चर्चा झाल्याचे बोलले जात आहे. एनडीएला मिळालेल्या बहुमतानंतर आता नरेंद्र मोदी तिसऱ्यांदा पंतप्रधानपदाची शपथ घेऊन भारताची धुरा सांभाळणार आहेत. या शपथविधीसाठी विविध देशातील दिग्गज नेत्यांना आमंत्रित केल्याचे म्हंटले जात आहे. विविध देशातील दिग्गज नेत्यांना आमंत्रण Modi 3.0 Oath Ceremony 2024 | नरेंद्र मोदी यांच्या शपथविधी सोहळ्याला उपस्थित राहण्यासाठी बांगलादेशच्या पंतप्रधान शेख हसीना उद्या संध्याकाळी नवी दिल्लीला रवाना होणार आहेत. पंतप्रधान मोदींनी दूरध्वनी संभाषणात त्यांना कार्यक्रमात उपस्थित राहण्याचे निमंत्रण दिले होते. तसेच मोदींच्या शपथविधी सोहळ्याला भूतान, नेपाळ मॉरिशसच्या नेत्यांसह श्रीलंकेचे अध्यक्ष रानिल विक्रमसिंघे यांनाही आमंत्रित केले आहे. नरेंद्र मोदी यांच्या शपथविधी सोहळ्याला नेपाळचे पंतप्रधान पुष्प कमल दहल उपस्थित राहणार आहेत. नेपाळी अधिकाऱ्याने याला दुजोरा दिला आहे. दरम्यान, लोकसभा निवडणुकीच्या निकालानंतर नरेंद्र मोदी यांना जगभरातून शुभेच्छांचा वर्षाव होत आहे. अमेरिकेचे अध्यक्ष बिडेन, रशियाचे अध्यक्ष पुतीन आणि फ्रान्सचे अध्यक्ष मॅक्रॉन यांच्याकडून मोदींना अभिनंदनाचे संदेश पाठवण्यात आले आहेत. Modi 3.0 Oath Ceremony 2024 | हेही वाचा: नवा विक्रम रचला..! इंदूरमध्ये भाजप विरोधात पहिल्यांदाच NOTA ला मिळाली 2 लाखांहून अधिक ‘मते’
