PM Narendra Modi :  पंतप्रधान नरेंद्र मोदी यांनी शनिवारी महाराष्ट्रातील गडचिरोली येथे आयोजित ‘जनजातीय गौरव दिवस’ कार्यक्रमाला व्हिडिओ कॉन्फरन्सिंग संबोधित केले. यादरम्यान ते म्हणाले की, ‘जनजातीय गौरव दिवस हा असा सण आहे ज्याच्याशी आदिवासी समाजाचा अभिमान जोडलेला आहे. याच्याशी भगवान बिरसा मुंडा यांची प्रेरणाही जोडलेली आहे. देशाच्या कानाकोपऱ्यातून या कार्यक्रमाशी जोडलेल्या लोकांना शुभेच्छा देत पंतप्रधानांनी भगवान बिरसा मुंडा यांच्या जयंतीनिमित्त त्यांना आदरांजली वाहिली.’

गडचिरोलीत जनजातीय गौरव दिवसाच्या निमित्ताने विशेष कार्यक्रम आयोजित करण्यात आला. या कार्यक्रमाला राज्यपाल जिष्णु देव वर्मा, मुख्यमंत्री देवेंद्र फडणवीस, उपमुख्यमंत्री एकनाथ शिंदे, केंद्रीय आदिवासी मंत्री जुएल ओराम, केंद्रीय आदिवासी राज्यमंत्री, राज्याचे आदिवासी मंत्री, जिल्ह्यातील आमदार आणि इतर मान्यवर उपस्थित होते. पंतप्रधान नरेंद्र मोदी हे व्हिडिओ कॉन्फरन्सिंगद्वारे या कार्यक्रमाला उपस्थित होते. त्यांनी विविध आदिवासी भागातील विकास योजनांची माहिती यावेळी दिली.

‘देशाचे उत्सव परकीय दृष्टिकोनातून ठरवले जात होते’

पंतप्रधान मोदी म्हणाले की, ‘एक काळ असा होता जेव्हा देशातील अनेक दिवस आणि उत्सव परकीय दृष्टिकोनातून ठरवले जात होते, परंतु आज भारत आपला वारसा, इतिहास आणि नायकांना स्वदेशी स्वाभिमानाने स्मरण करत आहे. हे देशाच्या राष्ट्रीय चेतनामध्ये आलेल्या मोठ्या बदलाचे प्रतीक आहे. १५ नोव्हेंबर २०२१ पासून ‘जनजातीय गौरव दिवस’ साजरा करण्यास सुरुवात झाली आणि आज हा एक राष्ट्रीय उत्सव बनला आहे.’

‘जनजातीय गौरव दिवस आता राष्ट्रीय उत्सव बनला आहे’

पुढे मोदी म्हणाले की, ‘१५ नोव्हेंबर २०२१ पासून ‘जनजातीय गौरव दिवस’ साजरा करण्याची जी सुरुवात झाली होती, ती आज एक राष्ट्रीय उत्सव बनली आहे. गेल्या वर्षी भगवान बिरसा मुंडा यांच्या १५० व्या जयंतीनिमित्त देशभरात दोन लाखांहून अधिक कार्यक्रमांचे आयोजन करण्यात आले होते. या कार्यक्रमांमध्ये कोटींच्या संख्येने देशवासीयांनी सहभाग घेतला होता. आज देशभरात जनजातीय गौरव दिवसाचे कार्यक्रम आयोजित केले जात आहेत. भगवान बिरसा मुंडा यांचे ‘उलगुलान’ (आंदोलन) आणि वयाच्या अल्प वयातील त्यांचा संघर्ष आजही कोटी कोटी देशवासीयांसाठी मोठी प्रेरणा आहे.’

देशातील 125 जिल्ह्यात नक्षलवाद्यांनी हातपाय पसरले होते. आदिवासी संकटात असताना तत्कालीन सरकारे मौन बाळगून होते. पण आता नक्षलवाद, माओवाद संपल्याचे त्यांचे कंबरडे मोडल्याचे पंतप्रधान नरेंद्र मोदी यांनी सांगितले.

यावेळी मोदी यांनी काँग्रेसवर निशाणा साधत, ‘हे स्वातंत्र्यानंतरचे सर्वात मोठे यश आहे. आम्ही गेले 12 वर्षे आदिवासी विकासासाठी परिणामकारक योजना राबविल्या, 4 कोटी पक्की घरे बनविली, आदिवासींचे उत्पन्न वाढविण्यासाठी योजना दिल्या, आदिवासी समाजासाठी प्रगतीची दारे उघडली,’ असे सांगत काँग्रेसच्या कार्यकाळावर निशाणा साधला.

हेही वाचा: 

Neetu Kapoor : कपूर कुटुंबाची दिवाळी परंपरा आजही कायम! नीतू कपूर यांनी सांगितला सासूबाई कृष्णा राज कपूर यांच्यासोबतचा भावुक किस्सा