नवी दिल्ली – पंतप्रधान नरेंद्र मोदी यांनी आज त्यांच्या दिल्लीतील निवासस्थानी मुलींसोबत रक्षाबंधन साजरे केले. पीएम मोदींच्या मनगटावर राखी बांधणाऱ्या मुली पंतप्रधान कार्यालयात काम करणाऱ्या सफाई कामगार, शिपाई, माळी, ड्रायव्हर इत्यादींच्या मुली असल्याने हे विशेष रक्षाबंधन होते. पंतप्रधान कार्यालयाच्या अधिकाऱ्यांनी ही माहिती दिली.

एक धागा विश्वास का, धर्म की रक्षा का, देश की रक्षा का…

प्रधानमंत्री श्री @narendramodi ने बच्चियों से राखी बंधवा मनाया रक्षाबंधन का त्योहार। pic.twitter.com/b3rJQciucW

— BJP (@BJP4India) August 11, 2022

अधिकार्‍यांनी एक व्हिडिओ देखील शेअर केला आहे, ज्यामध्ये पंतप्रधान पीएमओ सफाई कर्मचारी, सहाय्यक, माळी आणि ड्रायव्हर यांच्या मुलींकडून राख्या बांधून घेताना दिसत आहेत. तत्पूर्वी पंतप्रधानांनी ट्विट करून देशवासियांना रक्षाबंधनाच्या शुभेच्छा दिल्या होत्या. भाऊ आणि बहिणीच्या प्रेमाचे प्रतीक म्हणून रक्षाबंधनाचा सण देशभरात सावन महिन्याच्या पौर्णिमेला साजरा केला जातो.

प्रधानमंत्री श्री @narendramodi ने बेटियों से राखी बंधवाकर मनाया रक्षाबंधन का त्योहार, बेटियों को दिया तिरंगा उपहार।#HarGharTiranga #AzadiKaAmritMahotsav pic.twitter.com/xdMokUv7Gb

— BJP (@BJP4India) August 11, 2022

पीएमओच्या म्हणण्यानुसार, रक्षाबंधन सोहळ्यानंतर पंतप्रधानांनी सर्व मुलींना तिरंगा राष्ट्रध्वज भेट दिला. प्रत्येक घरात तिरंगा मोहीम पुढे नेण्याचा संदेश दिला. अधिकाऱ्यांनी पाठवलेल्या व्हिडिओमध्ये पंतप्रधान मुलींसोबत हातात तिरंगा फडकवताना दिसत आहेत.