पवन मावळ : मावळ तालुक्यातील मळवंडी ठुले येथील ऊस उत्पादक शेतकरी सुरेश चिंचवडे यांच्या शेतामध्ये कृत्रिम बुद्धिमत्तेच्या सहाय्याने ऊस शेतीचे प्रात्यक्षिक राबविण्यात आले.
मावळ तालुक्यात प्रथमच ऊस लागवडीबाबत असा प्रयोग करण्यात आला. येथील प्रगतिशील शेतकरी सुरेश चिंचवडे यांच्या बारमाही उत्पादन असलेल्या दोन एकर ऊस शेतीमध्ये त्यांनी एआय तंत्रज्ञानाची उभारणी पूर्ण केली आहे.
बारामती येथील विद्या प्रतिष्ठानचे एआय तंत्रज्ञान विभाग प्रमुख तुषार जाधव यांच्या हस्ते प्रकल्पास हिरवा झेंडा दाखवण्यात आला.
याप्रसंगी संत तुकाराम महाराज सहकारी साखर कारखान्याचे उपाध्यक्ष बापू भेगडे, कारखान्याचे अन्य संचालक व पवनानगर भागातील ऊस उत्पादक शेतकरी मोठ्या संख्येने उपस्थित होते.
