पिंपरी – दसऱ्याच्या सणानिमित्त शहरातील बाजारपेठा झेंडूच्या पिवळ्या-नारंगी फुलांनी बहरल्या आहेत. सणासाठी लागणाऱ्या फुलांच्या खरेदीला वेग आला असून, पारंपरिक बाजारपेठांसह मॉलमध्येही झेंडूची फुले विक्रीसाठी उपलब्ध झाली आहेत.दसऱ्याला घराच्या प्रवेशद्वारावर झेंडूच्या फुलांचे तोरण लावण्याची, तसेच वाहनांची आणि शस्त्रांची पूजा करण्याची परंपरा आहे. त्यामुळे फुलांना विशेष मागणी असते. ग्राहकांना एकाच ठिकाणी खरेदी करता यावी, यासाठी विविध ठिकाणी फुलांची विक्री केली जात आहे.

बाजारपेठांमधील फुलविक्रेत्यांसह मॉलमधील विक्रीकेंद्रांवरही ग्राहकांची पावले वळत आहेत. सणाच्या पार्श्वभूमीवर फुलांच्या खरेदी-विक्रीत वाढ झाली असून, झेंडूच्या फुलांच्या सुगंधाने आणि रंगांनी दसऱ्याचा उत्साह अधिकच खुलला आहे.

Tiger Shroff Case: सलमान खान, रोहित शेट्टी आणि आता टायगर श्रॉफवरील हल्ल्यानंतर बॉलीवूडमधील सेलिब्रिटींची सुरक्षा धोक्यात?