पिंपरी – ख्रिसमस सोमवारी (दि. २५) साजरा होत असून त्यानिमित्त शहरात विविध उपक्रम राबविले जात आहेत. सांताक्लॉॅजच्या वेश परिधान करून अनेकजण अचानक समोर येत भेट वस्तू देत असल्याने नागरिक हरखून जात आहेत. केक, चॉकलेट आणि भेटवस्तूंनी नागरिकांचा आनंद गगनात मावेनासा झाला आहे. आकुर्डी येथील सेंट जोसेफ चर्चाच्या वतीने ख्रिसमसनिमित्त सांता क्लॉजच्या वेशभूषेत रोड शो आयोजित करण्यात आला. फादर सिंटो चालीसेरी, समन्वयक ॲड के. एम. रॉय यांच्या पुढाकाराने सांता क्लॉजच्या वेशभूषेत फेरीतील चर्चच्या सदस्यांकडून नागरीकांना चॉकलेट व केकचे वाटप करण्यात आले. फेरीची सुरुवात आकुर्डी चर्चपासून करण्यात झाली. मुंबई पुणे महामार्ग, काळभोर नगर, चिंचवड स्टेशन, चापेकर चौक, आकुर्डी रेल्वे स्टेशन, भेळ चौक, निगडी बस स्थानक, भक्ती शक्ती, साने चौक, थर्मॅक्स चौक, एश्वर्यम सोसायटी, शुभश्री सोसायटी मार्गे फेरीची सांगता चर्चमध्ये झाली. या वेळी चर्चचे इमॅन्युएल व्ही. सी., जयसन स्करिया, टी. व्ही. जोस यांच्यासह सुमारे दीडशे कार्यकर्ते सहभागी झाले होते. दुचाकी व चार चाकी वाहनांचा ताफा, जिंगल्स बेल्स… गाणे वाजवत चौका चौकातून १५० केक आणि ७ हजार चॉकलेट वाटप केले.
