अकोट-शेगाव रोडवरील ब्रिटीशकालीन पूल खचला; टेम्पोचा अपघात

लोहारा(बाळापूर) : अकोट-शेगाव राज्यमार्गावर असलेला इंग्रजकालीन पूल खचला. या पुलाला मोठे भगदाड पडले आहे. दरम्यान त्याचवेळी कोंबड्यांची वाहतूक करणारे एक वाहन पुलावरून जात होते. अचानक पुलाला भगदाड पडल्याने क्षणात आत वाहन खड्यात घसरून अधांतरी लटकले.यामध्ये सदर टेम्पो पुलावर एका बाजूला लटकला होता. सुदैवाने यात जीवित हानी झाली नाही.
https://www.facebook.com/edainikprabhat/videos/503459764265742/

बाळापूर तालुक्यातील लोहारा गावानजीक हा प्रकार घडला आहे. येथील मन नदीवर असलेला सुमारे १०० वर्षांपुर्वीचा इंग्रजकालीन पूल खचला आहे.घटनेनंतर जेसीबीच्या साह्याने हा टेम्पो बाहेर काढण्यात आला आहे.

जुन्या पुलाची उंची वाढविण्यासाठी बाजूनेच नवीन पूल तयार करण्यात येत आहे. कंत्राटदाराने जुना पूल खोदून ठेवल्याने हा अपघात घडल्याची प्राथमिक माहिती समोर येत आहे.

परिसरात कवठा बॅरेज तयार करण्यात येत असून नदीपात्रात जास्त पाणी थांबविल्या जाणार असल्याने जुन्या पुलाची उंची वाढविण्यासाठी बाजूनेच नवीन पूल तयार करण्यात येत आहे. नवीन पूल तयार करीत असतांना कंत्राटदाराने जुन्या पुलाजवळ खोदकाम केल्याने जुना पूल खिळखिळा झाला. यामधूनच हा अपघात घडून आला आहे.

दरम्यान, या मार्गावरील वाहतून अकोला मार्गे वळविण्यात आली आहे.