Parineeti Chopra: अभिनेत्री परिणीती चोप्रा सध्या आपल्या नवजात बाळासोबत वेळ घालवत आहे. गेल्या वर्षी ऑक्टोबरमध्ये तिने मुलाला जन्म दिला होता. आई झाल्यानंतरच्या काळात आपल्या आयुष्यात काय बदल झाले आणि स्वतःला मानसिक व शारीरिकदृष्ट्या कसं सशक्त ठेवलं, याबद्दल तिने नुकतीच मनमोकळी चर्चा केली आहे. परिणीतीने आपल्या युट्यूब चॅनलवर शेअर केलेल्या व्हिडिओत आई झाल्यानंतरची दिनचर्या आणि शांत राहण्यासाठी केलेले बदल सांगितले. तिने सांगितले की, मानसिक आरोग्य आणि सकारात्मक विचार हे तिच्यासाठी आता खूप महत्त्वाचे झाले आहेत. सकाळी उठताच मोबाईल वापरू नका परिणीतीने सांगितले की, सकाळी उठताच मोबाईल स्क्रोल करणं ही खूप वाईट सवय आहे. त्यामुळे मेंदू सुन्न होतो आणि संपूर्ण दिवसावर त्याचा वाईट परिणाम होऊ शकतो. “मी सकाळी उठल्यावर लगेच फोन हातात घेत नाही. स्वतःसाठी थोडा शांत वेळ ठेवते. पक्ष्यांचे आवाज ऐकते, हलकं संगीत ऐकते. यामुळे मन शांत राहतं,” असं ती म्हणाली. मंत्रजपाने करते दिवसाची सुरुवात परिणीतीने पुढे सांगितले की, ती सकाळी उठल्यानंतर हनुमान चालीसा किंवा ‘नमामि शमीशम’ या मंत्रांचा जप करते. “दिवसाची सुरुवात सकारात्मक झाली, तर सगळं सोपं वाटतं. आयुष्यात सगळं तुमच्या मानसिकतेवर अवलंबून असतं,” असं तिने स्पष्ट केलं. आरोग्याला दिलं प्राधान्य परिणीती म्हणाली की, आता तिला नेमकं काय आवडतं, काय खायचं, कधी झोपायचं याची पूर्ण जाणीव झाली आहे. “माझ्यासाठी माझं आरोग्य, फिटनेस आणि मानसिक स्वास्थ्य सगळ्यात महत्त्वाचं आहे,” असंही तिने सांगितलं. वर्कफ्रंट कामाच्या बाबतीत बोलायचं झालं तर, परिणीती चोप्रा शेवटची दिलजीत दोसांझसोबत ‘अमर सिंह चमकीला’ या चित्रपटात दिसली होती. इम्तियाज अली दिग्दर्शित हा चित्रपट 2024 मध्ये ओटीटीवर प्रदर्शित झाला होता.
