पुणे – पुनित बालन ग्रुपचा पाठिंबा असलेल्या पॅरा-बॅडमिंटनपटू आरती पाटीलने पायाच्या दुखापतीनंतर आंतरराष्ट्रीय सर्किटमध्ये कांस्यपदक जिंकून पुनरागमन केले. दुखापतीमुळे तिला अनेक महिने खेळापासून दूर रहावे लागले होते, परंतु आता बीडब्ल्युएफ सर्किटवर लेव्हल १ स्पर्धा खेळण्यास पात्र होण्यासाठी तिचे लक्ष्य अव्वल १० क्रमवारीत येण्याचे आहे.

फेब्रुवारीमध्ये थायलंडमध्ये झालेल्या जागतिक स्पर्धेनंतर कोणतीही आंतरराष्ट्रीय स्पर्धा न खेळलेल्या आरती पाटीलला बहारीन पॅरा बॅडमिंटन स्पर्धेत महिलांच्या एसयु ५ प्रकारात उपांत्य फेरीत भारताच्या मनीषा रामदासकडून पराभव पत्करावा लागला. उपांत्य फेरीपर्यंतच्या प्रवासामुळे आरती पाटीलला जागतिक क्रमवारीत सहा स्थानांनी झेप घेत १४ व्या क्रमांकावर पोहोचण्यास मदत झाली, परंतु तिला आणखी आगेकूच करण्याची गरज आहे.

Neeraj Chopra : नीरज करणार परदेशात सराव; क्रीडा मंत्रालयाने दिली परवानगी….

आरती कर्नाटकातील बेळगावी जिल्ह्यातील एका खेडेगावातील, परंतु सध्या ती पुण्यात प्रशिक्षण घेत आहे आणि तिच्यावरील आर्थिक भार कमी करण्याची जबाबदारी पुनित बालन ग्रुपने उचलली आहे. तिने तिच्या यशाचे श्रेय पुनित बालन ग्रुपला दिले आहे. पुनित बालन ग्रुपने आरतीला तीन वर्षांसाठी पाठिंबा देण्याचे वचनबद्ध केले आहे आणि आंतरराष्ट्रीय स्तरावर पदक जिंकण्याच्या तिच्या प्रयत्नात तिला पूर्ण सहकार्य केले जाईल.