कुंभमेळ्यातून परत येताना पप्पू यादव यांच्या भाचीसह 4 जणांचा मृत्यू ; गाडी चालकाला झोप लागल्याने अपघात
Pappu Yadav Niece Died। उत्तर प्रदेशातील वाराणसी-गोरखपूर महामार्गावर कार आणि रस्त्यावर उभा असलेल्या ट्रकचा भीषण अपघात झाला. या अपघातामध्ये 4 जणांचा मृत्यू झाल्याची माहिती समोर आली होती. सदर अपघातात मृत्युमुखी पडलेल्यांमध्ये खासदार पप्पू यादव यांच्या भाचीचाही समावेश असल्याचे सांगण्यात येत आहे. खासदार पप्पू यादव यांची भाची तिच्या कुटुंबासह कुंभमेळ्यावरून परतत असताना हा अपघात झाला असल्याचे सांगण्यात येत आहे.
खासदार पप्पू यादव यांच्या भाचीचे नाव डॉ. सोनी यादव आहे. सोनी यादव तिच्या काकू आणि इतरांसोबत कारने महाकुंभात स्नान करण्यासाठी गेली होती. कुंभमेळ्यातून परतताना वाराणसी-गोरखपूर महामार्गावर त्यांची कार रस्त्यावर उभ्या असलेल्या एका ट्रकला धडकली. या अपघातात सोनी यादवसह चार जणांचा मृत्यू झाला. मृतांमध्ये गायत्री देवी, विपिन मंडल आणि चालक सलाउद्दीन यांचा समावेश आहे. कारमधील आणखी एक व्यक्ती दीपक झा गंभीर जखमी झाला आहे आणि त्याला उपचारासाठी रुग्णालयात दाखल करण्यात आले आहे.
कार ट्रकला धडकली अन्…- Pappu Yadav Niece Died।
कारमधील सर्व लोक बिहारमधील पूर्णिया जिल्ह्यातील पलासी भागातील रहिवासी होते. महाकुंभात स्नान करून सर्वजण प्रयागराजहून परतत होता. डॉ. सोनी यादव त्यांच्या काकू, सहाय्यक, एक जाणकार एमआर आणि ड्रायव्हरसह महाकुंभात स्नान करून परतत असताना, त्यांची कार ट्रकला धडकल्याने हा अपघात झाला.
गाडी चालकाला झोप लागल्याने अपघात Pappu Yadav Niece Died।
प्राथमिक तपासात असे दिसून आले की चालक सलाउद्दीनला झोप येऊ लागली, त्यानंतर दीपक झा गाडी चालवू लागला. पण काही वेळाने वेगवान कार नियंत्रणाबाहेर गेली आणि रस्त्याच्या कडेला उभ्या असलेल्या ट्रकला ती धडकली. अपघाताची माहिती मिळताच कासिमाबाद क्षेत्र अधिकारी, सदर एसडीएम आणि पोलिस घटनास्थळी पोहोचले.
