Pankaja Munde on Dhananjay Munde। बीड जिल्ह्यातील मस्साजोग गावाचे सरपंच संतोष देशमुख यांच्या निर्घृण हत्येचे फोटो समोर आल्यानंतर राज्यभरात संतापाची लाट पसरली. या प्रकरणात धनंजय मुंडेचे निकटवर्तीय वाल्मिक कराडचे नाव समोर आले. त्यानंतर धनंजय मुंडे यांच्या राजीनाम्याच्या मागणीने जोर धरला. यातच आता राज्याचे अन्न व नागरी पुरवठा मंत्री धनंजय मुंडे यांनी आज मंत्रिपदाचा राजीनामा दिला आहे. त्यांच्या राजीनाम्यावर मुंडेंच्या भगिनी आणि राज्याच्या पर्यावरण मंत्री पंकजा मुंडे यांनी पहिली प्रतिक्रिया दिली आहे. मुंडेंचा राजीनामा फार आधीच घ्यायला पाहिजे होता Pankaja Munde on Dhananjay Munde। भाजप नेत्या आणि पर्यावरण मंत्री पंकजा मुंडे यांनी धनंजय मुंडे यांच्या राजीनाम्याचे स्वागत केले आहे. याविषयी बोलताना,” धनंजय मुंडेंचा राजीनामा फार आधीच घ्यायला पाहिजे होता असे त्यांनी म्हटले. तसेच त्यांचा राजीनामा अगोदर घेतला गेला असता तर त्याला गरीमामय एक मार्ग मिळाला असता.” असेही त्यांनी यावेळी म्हटले. तसेच “राजीनामा पेक्षा त्यांनी मंत्रीपदाची शपथच घ्यायला नको होती. त्यामुळे हे सर्व पुढे झालं नसतं” असे रोखठोक मत पंकजा मुंडे यांनी मांडले. संतोष देशमुखांच्या आईची माफी मागते Pankaja Munde on Dhananjay Munde। पुढे बोलताना पकंजा मुंडे यांनी,” संतोष देशमुखांच्या जीवाच्या, परिवाराच्या वेदनापुढे राजीनामा काहीच नाही, मी संतोष देशमुखांच्या आईची माफी मागते असेदेखील त्यांनी यावेळी म्हटले. तसेच निर्दयीपणे माणसाला संपवणाऱ्याला कुठलीही जात नाही असे म्हणत त्यांनी आरोपीना कडक शिक्षा झाली पाहिजे अशी देखील मागणी यावेळी त्यांनी केली. दरम्यान , मस्साजोगचे सरपंच संतोष देशमुख यांची अतिशय निर्घृणपणे, क्रूरपणे हत्या करून त्यांचा जीव घेण्यात आला. त्या घटनेला 82 दिवसांचा कालावधी उलटून गेल्यानंतर अखेर आज, महायुतीतील मंत्री धनंजय मुंडे यांनी मंत्रीपदाचा राजीनामा दिला. हेही वाचा “धनंजय मुंडेंना सहआरोपी करा” ; मुंडेंच्या राजीनाम्यानंतर विरोधक आक्रमक, सरकार बरखास्तीचीही मागणी
