IND vs PAK Asian Games Final 2026 : २०२६च्या आशियाई क्रीडा स्पर्धेतील भारत आणि पाकिस्तान यांच्यातील अंतिम सामन्यात सुरुवातीपासूनच चुरस पाहायला मिळत आहे. भारताने प्रथम फलंदाजी करताना युवा फलंदाज वैभव सूर्यवंशीला लवकर गमावले आहे.

वैभवच्या विकेटनंतर पाकिस्तानचा गोलंदाज सॅम अयूबने केलेल्या सेलिब्रेशनचा व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओवर भारतीय क्रिकेट चाहत्यांकडून संताप व्यक्त केला जात आहे.

नेमकं काय घडलं? 

वैभव सूर्यवंशीने आक्रमक सुरूवात केली. मात्र, त्याचा खेळ ९ चेंडूमध्ये १५ धावा करून संपला. वैभव रिव्हर्स स्वीप मारण्याच्या प्रयत्नात चेंडू थेट यष्टिरक्षक उस्मान खानच्या हातात गेला आणि त्याची खेळी संपली. वैभवला बाद केल्यानंतर सॅम अयूबने मैदानावर त्याच्याकडे पाहत ‘बेबी सेलिब्रेशन’ केल्याचे व्हिडिओमध्ये पाहायला मिळाले.

Saim Ayub gets the wicket of Vaibhav Sooryavanshi!!! pic.twitter.com/53ZOR7GkYJ

— PctMedia (@PctMediaa) October 3, 2026

यानंतर मैदानावर फलंदाजीसाठी आलेल्या अभिषेक शर्माने आक्रमक फलंदाजी करत डाव सावरण्याचा प्रयत्न केला. सॅम अयूबच्या गोलंदाजीवर अभिषेकने आक्रमक फटके लगावत त्याला प्रत्युत्तर दिले. अभिषेक शर्माने ६१ धावांची महत्त्वपूर्ण खेळी केली.

भारतीय डावात अर्धशतक झळकावणारा तो एकमेव फलंदाज ठरला. मात्र, अपेक्षेप्रमाणे भारतीय फलंदाजीला मोठी धावसंख्या उभारता आली नाही. आता सामन्याच्या पुढील टप्प्यात भारतीय गोलंदाज कशी कामगिरी करतात आणि भारताला सुवर्णपदक मिळते का, याकडे क्रिकेटप्रेमींचे लक्ष लागले आहे.

Narendra Modi: पंतप्रधान नरेंद्र मोदींच्या बारामती दौऱ्याच्या तारखेत बदल; शरद पवारांनी दिली माहिती