Pakistan vs England Test Series 2024 : – पाकिस्तान आणि इंग्लंड यांच्यातील तीन सामन्यांची कसोटी मालिका येत्या 7 ऑक्टोबरपासून सुरू होत आहे. पहिला सामना मुलतानच्या मैदानावर होणार आहे. पीसीबीने मंगळवारी (२४ सप्टेंबर) इंग्लंडविरुद्धच्या पहिल्या कसोटीसाठी पाकिस्तानी संघाची घोषणा केली. शान मसूदचे कर्णधारपद कायम ठेवण्यात आले आहे. पाकिस्तानचा वेगवान गोलंदाज शाहीन शाह आफ्रिदीचे इंग्लंडविरुद्धाच्या तीन कसोटी सामान्यांच्या मालिकेसाठी संघात पुनरागमन झाले आहे. मंगळवारी उशीरा पाकिस्तान क्रिकेट बोर्डाने 15 सदस्यीय संघाची घोषणा केली. खराब फॉर्ममुळे बांगलादेश विरुद्धाच्या कसोटी मालिकेसाठी आफ्रिदीला दुसऱ्या कसोटीलढतीतून वगळण्यात आले होते. मालिकेतील पहिला कसोटी सामना मुलतानमध्ये खेळवला जाणार आहे. 37 वर्षीय फिरकी गोलंदाज नोमान अलीचे पाकिस्तान संघात पुनरागमन झाले आहे. त्याने शेवटची कसोटी जुलै 2023 मध्ये खेळली होती. दुखापतग्रस्त वेगवान गोलंदाज खुर्रम शहजादच्या जागी नोमानचा समावेश करण्यात आला आहे. Retirement : आंतरराष्ट्रीय क्रिकेटमधून का घेतली निवृत्ती? शिखर धवनने स्वतः कारण केले स्पष्ट… पीसीबीने जाहीर केलेला पाकिस्तान संघ : शान मसूद (कर्णधार), सौद शकील (उपकर्णधार), बाबर आझम, मोहम्मद रिझवान, अब्दुल्ला शफीक, मोहम्मद हुरैरा, सैम अयुब, सलमान अली आगा, सर्फराज अहमद, आमेर जमाल, नोमान अली, अबरार अहमद, मीर हमजा शाहीन शाह आफ्रिदी, नसीम शाह.
