बहुप्रतिक्षित कोल्डप्ले बँडचा पहिला कॅान्सर्ट भारतामधील नवी मुंबई येथे होणार आहे. या काॅन्सर्टबद्दल चाहत्यांमध्ये मोठी उत्सुकता आहे. काल या बँडचा मुख्य गायक ख्रिस मार्टिन याचे आगमन मुंबई विमानतळावर झाले. त्याला पाहण्यासाठी त्याच्या चाहत्यांनी येथे मोठी गर्दी केली होती. विमानतळावर आगमन झाल्यानंतर मार्टिन याने मुंबईतील मरीन ड्राइव्हला भेट दिली. मार्टिन याने त्याच्या इन्स्टाग्रामवरून मरीन ड्राइव्हला भेट दिल्याचा फोटो शेअर केला आहे. या फोटोमध्ये “आम्ही भारतात येऊन खूप आनंदी आहोत” असे कॅप्शनमध्ये त्याने लिहिले आहे. भारतामध्ये होणाऱ्या कोल्डप्लेच्या बँड कॉन्सर्ट्सना यावर्षीचे आकर्षणाचे केंद्रबिंदू मानले जाते. हा एक ब्रिटिश बँड आहे. ते त्यांच्या ‘म्युझिक ऑफ द स्फीयर्स वर्ल्ड टूर’ द्वारे नवी मुंबईतील डी. वाय. पाटील स्टेडियममध्ये १८, १९ आणि २१ जानेवारी २०२४ रोजी तीन शो करणार आहेत. तसेच गुजरातमधील अहमदाबाद येथील नरेंद्र मोदी स्टेडियमवर २५ जानेवारी या दिवशी चौथा शो पार पडणार आहे. नियमांची पालमल्ली केल्यास कारवाईचा इशारा हे लाइव्ह कॅान्सर्ट अहमदाबादच्या नरेंद्र मोदी स्टेडीयमवर २५ जानेवारी रोजी होणार आहे. मात्र, अहमदाबादच्या जिल्हा बाल संरक्षण विभागाने या कान्सर्ट दरम्यान लहान मुलांना स्टेजवर आणू नये अशी सक्त सूचना दिली आहे, या सूचनांचे पालन न केल्यास आयोजकांवर कारवाई करण्यात येणार असल्याचा इशारा देखील देण्यात आला आहे. तसेच लाइव्ह कॅान्सर्टमध्ये आवाजची तीव्रता निश्चित करण्यात आली असून १२० डेसिबलपेक्षा जास्त आवाज असू नये तो आवाज लहान मुलांच्या आरोग्यास हानीकारक असल्याचे सांगितले आहे. मुलांना इअरप्लग किंवा इअर प्रोटेक्शनशिवाय कॅान्सर्टमध्ये प्रवेश देऊ नये अशी सक्त ताकीद करण्यात आली आहे.
