Pune City | एक हजार पैलवान जम्मू आणि काश्‍मिरला रक्तदानासाठी जाणार ..

प्रभात वृत्तसेवा पुणे – ५ ऑगस्टला सांगलीतून एक हजार पैलवान धर्मवीर एक्सप्रेसमधून जम्मू आणि काश्मिरला रक्तदानासाठी जाणार असल्याची माहिती राज्याचे उद्योग मंत्री आणि शिवसेना नेते उदय सामंत यांनी पत्रकार परिषदेत दिली. जम्मूमध्ये तैनात सैनिकांसाठी हा उपक्रम केला जात असून चंद्रहार पाटील यांनी याबद्दलची संकल्पना मांडली असून स्वतः राज्याचे उपमुख्यमंत्री एकनाथ शिंदे जम्मूत येऊन रक्तदानात सहभाग घेणार असल्याचे ते म्हणाले. यावेळी त्यांना क्रीडामंत्री माणिकराव कोकाटे यांच्याकडून कृषीमंत्री पद काढून घेण्याची कारवाई पुरेसी आहे का, असा प्रश्न केला असता हा राष्ट्रवादीच्या राष्ट्रीय नेत्याने घेतलेला निर्णय असून मंत्रीमंडळातील सहभागी मित्रपक्षाच्या नात्याने आम्ही त्यावर जास्त काही बोलू शकत नसल्याचे सामंत म्हणाले.