नवी दिल्ली – बिहारमध्ये नितीशकुमार यांनी पुन्हा एकदा बाजू बदलली आहे. भाजप सोडून आता नितीश कुमार महाआघाडीत सामील झाले आहेत. आणि तेजस्वी यादव यांच्यासोबत सरकार स्थापन करणार आहेत. एकेकाळी नितीश कुमार यांचे सहकारी असलेले प्रशांत किशोर  यांनी भाजपपासून का वेगळे झाले? यावर आपली प्रतिक्रिया दिली आहे. तसेच नितीश कुमार यांच्यावर त्यांनी टीकाही केली आहे.

वृत्त वाहिनीशी बोलताना प्रशांत किशोर म्हणाले की, ‘बिहारमध्ये जे काही घडले त्यात माझे कोणतेही योगदान नाही, आणि भूमिका नाही. २०१२-१३ पासून सुरू झालेल्या राजकीय अस्थिरतेच्या काळातला हा संपूर्ण विकास मी आणखी एक अध्याय म्हणून पाहतो. गेल्या दहा वर्षांतील हे सहावे सरकार आहे.’

प्रशांत किशोर पुढे म्हणाले की,’दहा वर्षांतील राजकीय अस्थिरतेत दोन गोष्टी साम्य आहेत, पहिली म्हणजे नितीश कुमार तेव्हापासून मुख्यमंत्री आहेत, दुसरी म्हणजे बिहारची स्थिती तशीच आहे. बाकीच्या आघाड्या बदलत आहेत. कोणतेही सरकार स्थापन होवो, त्यांना माझा शुभेच्छा, जनतेसाठी चांगले काम करा. RJD राजदचे लोक दारूबंदीला विरोध करत होते, तेजस्वी यादव यांनी 10 लाख लोकांना नोकऱ्या देण्याचे आश्वासन दिले आहे, यावर काय काम केले ते पहा.’

महाआघाडी सोडण्यात नितीश कुमारांची चूक होती का? या प्रश्नाला उत्तर देताना प्रशांत किशोर म्हणाले की,’हे सर्व ठरवण्याचे काम जनतेचे आहे. जर ते चुकले असते तर ते कसे जिंकले असते? प्रशांत किशोर म्हणाले की, नितीश कुमार सहाव्यांदा मुख्यमंत्री होणार आहेत पण फरक मुख्यमंत्र्यांमध्ये नाही. सरकारच्या कार्यपद्धतीत कोणताही फरक पडलेला नाही, की लोकांच्या स्थितीतही काही फरक पडलेला नाही.’

राजीनाम्यानंतर नितीश कुमार यांनी अमित शाह सतत JDU फोडण्याचे काम करत असल्याचा आरोप केला होता. त्यांनी आपलेच माजी नेते आरसीपी सिंह हे अमित शहा यांचे मोहरे म्हणून काम करत असल्याचा आरोपही केला होता. भाजप आणि जेडीयूमध्ये तणावाची परिस्थिती वाढली होती, यानंतर नितीश कुमार यांनी वेगळे होण्याचा निर्णय घेतल्याचे बोलले जात आहे.’