India Alliance : इंडिया आघाडीच्या अस्तित्वावर सातत्याने प्रश्न उपस्थित केले जात आहेत. दिल्ली विधानसभा निवडणुकीत काँग्रेस आणि आपमध्ये सुरू असलेल्या वादावर विरोधकांनी चिंता व्यक्त केली आहे. जम्मू-काश्मीरचे मुख्यमंत्री ओमर अब्दुल्ला उघडपणे म्हणाले की, विरोधक एकजूट नाहीत, त्यामुळे इंडिया आघाडी विसर्जित केली पाहिजे. आता शिवसेना यूबीटी नेते संजय राऊत यांचेही इंडिया आघाडीबाबत वक्तव्य आले आहे.

प्रसारमाध्यमांशी बोलताना संजय राऊत म्हणाले की, लोकसभा निवडणूक आम्ही एकत्र लढलो आणि त्याचे निकालही चांगले आले. त्यानंतर आपल्या सर्वांची, विशेषतः काँग्रेसची इंडिया आघाडी टिकवून ठेवण्याची जबाबदारी होती. एकत्र बसून भविष्यातील रणनीती ठरवावी, पण लोकसभा निवडणुकीनंतर अशी एकही बैठक झालेली नाही. राऊत म्हणाले की, हे इंडिया आघाडीसाठी चांगले नाही.

इंडिया आघाडीचं आता अस्तित्व नाही?

संजय राऊत असेही म्हणाले की, ओमर अब्दुल्ला, ममता बॅनर्जी, अखिलेश यादव, अरविंद केजरीवाल यांसारखे नेते म्हणतात की इंडिया आघाडीचे आता कोणते अस्तित्व नाही. संजय राऊत यांनी इंडिया युतीबाबत सुरू असलेल्या वादासाठी काँग्रेसला जबाबदार धरले आणि युतीमध्ये समन्वय, चर्चा आणि संवादाचा अभाव असल्याचे सांगितले.

इंडिया आघाडी पुन्हा बनणार नाही –

राऊत म्हणाले की, समन्वय नाही, चर्चा नाही, संवाद नाही. याचाच अर्थ इंडिया युतीत सर्व काही ठीक आहे की नाही याबाबत लोकांच्या मनात शंका आहे. जर ही युती एकदा तुटली तर पुन्हा कधीही इंडिया आघाडी बनणार नाही.

दिल्लीत ‘आप’ आणि काँग्रेसमध्ये वाद –

दिल्ली विधानसभा निवडणुकीसाठी आम आदमी पक्ष आणि काँग्रेस आमनेसामने आहेत. काँग्रेस नेत्यांनी आपविरोधात राजकीय युद्ध पुकारले आहे. एकमेकांसमोर आप-काॅंग्रेस उमेदवार उभे आहेत.  त्याचवेळी आप नेत्यांकडून आरोप-प्रत्यारोपही केले जात आहेत. ही युती लोकसभा निवडणुकीसाठी होती, असा युक्तिवाद केला जात आहे. दिल्लीशिवाय इंडिया आघाडीचे मित्रपक्षही उघडपणे काहीही बोलत नाहीत. संजय राऊत, ओमर अब्दुल्ला यांच्या वक्तव्यानंतर दिल्लीत आप-काँग्रेसमधील वादानंतरही इंडिया युती आहे का?, असे प्रश्न उपस्थित केले जात आहेत.

याआधी जम्मू-काश्मीरचे मुख्यमंत्री ओमर अब्दुल्ला म्हणाले होते की, जर युती फक्त लोकसभा निवडणुकीपुरती असेल तर ती संपुष्टात आणावी आणि विरोधी पक्षांनी आपापल्या पद्धतीने कामाला सुरुवात करावी. इंडिया ब्लॉकची बैठक बोलावली जात नाही त्यामुळे याबाबत स्पष्टता नाही. ना नेतृत्वाबद्दल, ना अजेंडाबद्दल, ना युती पुढे जाईल की नाही याबद्दल कोणताही बैठक बोलावली जात नाही.